海洋公園為狐獴3胞胎徵名!即日起至6月28日香港市民可投票!

海洋公園為狐獴3胞胎徵名!即日起至6月28日香港市民可投票!

時事熱話 生活熱話
ByJennifer on 24 Jun 2020 Digital Editor

今個夏天海洋公園全新展館「小狐獴與大象龜之旅」將開幕,公園日前為今年2月出生嘅狐獴3胞胎徵名,由香港人投票決定,3組名字各有特色,票數最多嘅組合,會成為三胞胎狐獴BB嘅名字。

全新展館「小狐獴與大象龜之旅」有嚟自非洲嘅狐獴同亞達伯拉象龜,其中狐獴上年來港,呢一年已有15隻狐獴BB出生!

全新展館「小狐獴與大象龜之旅」有嚟自非洲嘅狐獴同亞達伯拉象龜
Photo from 海洋公園

其中最細嘅狐獴3胞胎係今年2月先出世,仲未改名。海洋公園喺官方Facebook舉行命名活動,等各位去投票,票數最多嘅組合會成為三胞胎狐獴BB嘅名字。

海洋公園喺官方Facebook舉行命名活動,票數最多嘅組合會成為三胞胎狐獴BB嘅名字
Photo from 海洋公園

3個組合各有特色:

Magic、Mirror、Mochi ── 狐獴生活於母系社會,跟返媽媽Mata,以M字頭改名!Magic、Mirror、Mochi 分別代表佢哋神奇嘅生命、族群生活嘅習性、同埋軟綿綿嘅可愛樣!

雞蛋仔、糖蔥餅、白糖糕 ── 喺香港出世,又可愛又軟綿綿,同呢幾款港產特色小食真係好襯!

廣告
廣告

茶走、齋啡、鴛鴦 ── 呢班港產BB一身黃啡色系嘅毛毛,似足茶記入面最地道嘅飲品!

目前最多票數嘅係「茶走、 齋啡、 鴛鴦」,有超過1,600票,接近一半!

目前最多票數嘅係「茶走、 齋啡、 鴛鴦」
Photo from 海洋公園

投票日期:即日起至2020年6月28日下午6時正

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook