【環保小先鋒】日本無印良品設置斟水機+推出「水」樽！

無印良品一向都係走簡約風，而且仲係環保小先鋒嚟，時不時就會推出環保產品，如環保飲管、環保餐具等，實行「走塑」生活！

Photo from 日本無印良品FB

最近，日本無印良品宣布今日起推出無印牌「水」樽，並已經喺日本約100間分店設置斟水機，免費供市民斟水！無印良品店內嘅水機全部係過濾水，大家可以放心飲用！首先將喺「無印良品 銀座」、「無印良品 Grand Front大阪」等大型店舖同新店開始實施！

Photo from 日本無印良品官網

以後行到好口渴嘅時候，就唔使買嘢飲，做到減塑又可以慳錢！佢哋更表示，佢哋計畫今年年尾全面喺日本400間分店都設置斟水機！

「水」樽設計極為簡約，透明樽身上印有一個「水」字，名副其實係一個「水」樽！每個水樽容量為330ml，售價為190日圓，即約$13港元。

Photo from 日本無印良品官網

樽口夠大，易於清洗；小巧輕便，易於攜帶！重點係可以重複使用！如果水樽用舊或破損，可以到MUJI門店回收，變成聚酯材料循環再用。

Photo from 日本無印良品官網

Photo from 日本無印良品官網

除咗水樽同斟水機之外，佢仲set up咗一個水應用APP!入面包含各個水機嘅位置，同時紀錄大家每日飲水量，然後計算出減少塑料瓶嘅廢氣量同二氧化碳嘅排放量添～

Photo from 日本無印良品官網

Photo from 日本無印良品官網

無論係環保嘅概念定實踐上，都非常成功！

click入官網搵出各個水機位置～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）