台北桃園機場計劃推出搭飛機環島遊!「偽出國旅遊體驗」食飛機餐/買免稅品

台北桃園機場計劃推出搭飛機環島遊!「偽出國旅遊體驗」食飛機餐/買免稅品

旅遊攻略 旅遊新聞 東南亞旅遊
ByJennifer on 08 Jul 2020 Digital Editor

台北松山機場早前舉辦「偽出國旅遊體驗」,畀旅客辦理登機手續、過關出境同坐飛機,重溫出國旅遊嘅感覺。桃園機場亦計劃推出「搭飛機環島遊」,同樣會過關搭飛機,更可以食飛機餐、飛離台灣領空,落機買免稅品。

由於疫情影響,大家都留喺屋企一段時間,台北松山機場就推出3次「出入國境體驗活動」,以滿足旅客想去旅遊嘅心。

台北松山機場推出3次「出入國境體驗活動」
Photo from 台北松山機場

參加者可以喺松山機場登機櫃位辦理登機手續,然後過關出境,坐上飛機,全程體驗約3個半鐘。

參加者可以喺松山機場登機櫃位辦理登機手續,然後過關出境,坐上飛機
Photo from 台北松山機場

繼松山機場後,台北桃園機場亦計劃推出「搭飛機環島遊」,畀旅客一解出國旅行癮。

台北桃園機場亦計劃推出「搭飛機環島遊」,畀旅客一解出國旅行癮
Photo from 台北松山機場

廣告
廣告

同松山機場舉辦嘅「出入國境體驗活動」一樣,都會辦理登機手續、過關出境同坐飛機,但今次飛機真係會起飛!更會飛離台灣領空。

遊客可以喺期間食飛機餐同欣賞天空景色。而機場方面又指由於會飛離台灣領空,所以遊客落機後可以買埋免稅品。另外因為無入境其他國家,亦唔需要接受14日居家檢疫。

台北桃園機場「搭飛機環島遊」計劃會飛離台灣領空,所以遊客落機後可以買埋免稅品
Photo from 台北松山機場

目前收費等詳情都要視乎航空公司嘅規劃,但見松山機場「出入國境體驗活動」參加者都好興奮,就知大家真係太想去旅行喇!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook