【BNO移民英國】英國搵工攻略!9大缺人工作及最低工資 生活成本一覽

【BNO移民英國】英國搵工攻略!9大缺人工作及最低工資 生活成本一覽

時事熱話 生活熱話
ByCelia on 10 Jul 2020 Digital Editor

隨住英國宣布修改對持有BNO及親屬嘅入籍資格途徑,即喺英國工作及讀書居英滿5年後再逗留1年就可申請成為公民後,唔少人都會有一個問題:如果真係申請成功,咁第一款要做嘅就係搵工同生活開支,但喺當地搵工又容唔容易呢?咩工比較缺人?!另外當地嘅生活開支又係點呢?

喺英國生活,無論係讀書定係做嘢,你都一定離唔開食住行,但物價同生活成本喺唔同地區都會有差別。

英國平均生活成本喺西歐地區排名第7貴,喺全球排名則屬第13貴。
Photo from shutterstock

根據資料顯示指,英國平均生活成本喺西歐地區排名第7貴,喺全球排名則屬第13貴。以1人家庭,1星期工作5日,住喺倫敦Zone 2 嘅 Shared House,飲食起居主要為自己煮,再加上每個大約有6至8次外出用餐嚟計算,每月大概生活成本(連租金)約 £1,345 英鎊(約$13174港元),明細如下:

租金:£ 600 英鎊/月(租金和水電雜費與室友平分 )

交通:£ 135 英鎊/月

餐飲:£ 350 英鎊/月

日用品:£ 120 英鎊/月

休閒娛樂:£ 80 英鎊/月

理髮:£ 10 英鎊/月(每個月一次)

電話費及其他雜費:£ 50 英鎊/月

如果你選擇嘅落腳點喺利物浦、曼徹斯特或英國北部依啲生活成本較低嘅地區,你所用嘅生活開支又會唔同。
Photo from leeds.ac.uk

不過正如一開始講,每個地區嘅物價及生活成本都會唔同,如果你選擇嘅落腳點喺利物浦、曼徹斯特或英國北部依啲生活成本較低嘅地區,你所用嘅生活開支又會唔同。以一個住喺 Leeds 嘅單身人士為例,1星期工作5日, 與一名室友合租,飲食起居主要為自己煮,較少出門消費,每月大概生活成本(連租金)約 £595 英鎊(約 $5827 港元),明細如下:

租金:£ 445 英鎊/月(租金和水電雜費與室友平分 )

交通:£ 0 英鎊/月(租屋點位於公司附近,出入步行為主)

餐飲:£ 40 英鎊/月

廣告
廣告

日用品:£ 60 英鎊/月

理髮:£ 10 英鎊/月(幾個月一次)

電話費及其他雜費:£ 50 英鎊/月

註:以上兩個個案均唔包括個人購物、旅遊及投資等開支。

由此可見,住喺首都倫敦與喺英國北部城市嘅開銷差別可以達一倍以上。

住喺首都倫敦與喺英國北部城市嘅開銷差別可以達一倍以上。
Photo from Supermarket

但生活開銷點都離唔開錢,所以搵工都係重要嘅一環嚟!

生活開銷點都離唔開錢,所以搵工都係重要嘅一環嚟!
Photo from gov.uk

其實喺英國政府網站中不時都會刊登職位空缺清單,其中有唔少工都有出現人手短缺嘅情況,而依9種就係比較缺人手嘅工種:

1. 藝術家(舞蹈指導/舞蹈員/音樂家等)
2. 設計師(插圖設計等)
3. 工程師(土木工程/電氣工程/機械工程等)
4. IT(程式及軟件/商業分析師/網頁設計等)
5. 醫生(獸醫/職業治療師/言語治療師/護士/放射技師/輔助醫護人員等)
6. 建築師
7. 焊接工人
8. 廚師
9. 科學家(生物科學家/物理科學家/考古學家等)

而當地亦設有最低工資,自2020年4月起英國最低時薪工資如下:

英國最低時薪工資
Photo from gov.uk

到底值唔值得移民,就要睇大家點決定喇!

最後小編提提大家,以上數據只供參考,真實情況需按當時環境/匯率而定。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook