港產片《幻愛》上映首週票房高達400萬!5大必睇亮點 網民激讚!

港產片《幻愛》上映首週票房高達400萬!5大必睇亮點 網民激讚!

美食推介
ByIvory on 10 Jul 2020 Digital Editor

啲人成日話香港電影要沒落!唔知幾時開始,香港電影就好似變得一式一樣,低俗、色情以及流於表面嘅愛情片~其實香港仲有好多好出色嘅製作人,港產片都可以好好睇!

《幻愛》
Photo from 《幻愛》

最近上映嘅《幻愛》就成為網民熱話!上畫第一個禮拜,票房高達400萬!不過,頭兩日票房低迷,首日開畫票房只得15萬、計埋優先場嘅總票房先得46萬,身為男主角嘅劉俊謙曾感自責氣餒:「怪自己冇錢、冇名氣、冇人脈!」,一度擔心《幻愛》會減場~

有觀眾表示:「《幻愛》係近10年最好睇嘅愛情片!」我哋一齊睇下點解會咁高質~

1.貼地+香港特色
輕鐵好少成為貫穿整套電影嘅主要交通工具,相反巴士、小巴、的士嘅出場率就好高~輕鐵同時係一種好代表到香港嘅交通工具。電影用輕鐵帶出屯門、元朗、天水圍嘅獨有特色,一方面向世界介紹容易被忽略、容易有誤解嘅輕鐵,就好似戲中患精神病嘅人一樣~

2.鏡頭、物件運用
成套戲主要運用景深,描繪出嗰種如幻似真嘅愛情,散渙嘅光暈滲透出夢幻嘅效果!另外,導演亦用好多倒影等帶出真亦假時,假亦真嘅意境!手法純熟,運用得好完美,令成套電影嘅層次都提升到另一層次!更有網民大讚,將屯門拍成日本咁唯美~

《幻愛》
Photo from 《幻愛》

3.非一般愛情故事
雖然劇情中有唔少情侶拍拖嘅生活細節,但主軸係講述精神分裂康復者嘅小學老師(劉俊謙飾)同有性格缺憾嘅心裡輔導員(蔡思韵飾)發展禁忌之戀,帶出精神病只係一種病,佢哋都擁有愛人與被愛嘅權利!同時,唔好以為自己拯救咗佢哋,分分鐘係因為佢哋率直嘅性格,帶我哋脫離充滿凶惡嘅現實社會!

《幻愛》
Photo from 《幻愛》

廣告
廣告

《幻愛》
Photo from 《幻愛》

4.男女主角實力+製作用心
劉俊謙演藝學院出身,曾參演多套舞台劇,以黃子華舞台劇《前度》為人熟悉~另外,佢喺ViuTV嘅劇集《瑪珈烈與大衛 前度》、《教束》同《二月廿九》嘅表現都非常突出!佢亦憑《幻愛》,獲得第26屆香港電影評論學會大獎最佳男主角,同年獲第39屆香港電影金像獎最佳新演員提名!

《幻愛》
Photo from 《幻愛》

而女主角蔡思韵就讀國立臺北藝術大學戲劇系,曾拍電影《返校》,飾演女主角,喺台灣同香港嘅票房表現都出色!同樣憑《幻愛》,獲得第26屆香港電影評論學會大獎最佳女主角、喺第39屆香港電影金像獎獲得最佳女主角嘅提名。

5.結局留懸念
電影嘅結局,導演巧妙地為大家留有懸念,畀大家開放式思考~係夢境?係現實?係幻覺?定係其他可能性?同一般電影「畫公仔畫出腸」嘅結局截然不同~大家可以不斷細味電影中嘅細節位,每每都會搵出不同嘅驚喜!

《幻愛》
Photo from 《幻愛》

大家有時間就買飛入場支持下啦!最近仲有3套港產片上映緊,分別有《叔叔》、《金都》以及《死因無可疑》!撐香港電影!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook