貓王外孫疑開槍自盡 終年27歲！外表最似貓王後代 遺傳外公音樂細胞

美國經典搖滾歌手「貓王」埃爾維斯皮禮士利（Elvis Presley）嘅外孫，27歲嘅班傑明傳出喺加州開槍輕生嘅消息，終年27歲。佢被母親視為外表最似貓王嘅後代，亦遺傳外公音樂細胞。

美國搖滾天王「貓王」埃爾維斯皮禮士利（Elvis Presley）係引領20世紀嘅潮流文化嘅靈魂人物。

佢有4名外孫，其中27歲嘅班傑明（Benjamin Keough）獲貓王女兒麗莎瑪莉，即其母親視為外表最似貓王嘅後代。

但喺美國加州星期日就傳嚟佢輕生嘅消息，佢母親嘅經紀人證實消息。美國警方表示班傑明死因係「自我造成嘅槍傷」，其他細節仍要繼續調查。

麗莎瑪莉曾指班傑明喺就好似難以忽視嘅風暴一樣：「佢一出現每個人都會轉頭望佢。每個人想同佢合照，因為佢哋（貓王與班傑明）嘅相似實在太不可思議。」

除咗外表，班傑明同樣遺傳外公音樂細胞，曾喺2009年簽下500萬美元嘅唱片合約，不過佢非常低調，好少出現喺大眾面前。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）