最遲9月全線啟用！新界全新單車徑即將開通　全長82公里可由屯門踩到馬鞍山

各位單車愛好者注意！嚟緊又有新單車徑準備開通喇～部分工程仲已經完成，並開放畀公眾使用添，而全條單車徑開通嘅話就最快喺9月，以後大家又可以多一個地方踏單車喇！

Photo from Holiday Smart

今次依條單車徑全長82公里，由兩條主幹線路段組成，其中一段主幹線由屯門至馬鞍山，長約60公里，踏完全程需約6小時，由屯門出發，經元朗、上水、粉嶺、大埔、沙田，到達馬鞍山。

另一段主幹線路，則由荃灣至屯門，長約22公里，沿荃灣至屯門海濱，單車徑沿海而建，環境優美，途經仲有唔少充滿文化特色嘅景點添！

現時屯門至元朗及上水至馬鞍山兩個路段已經落成，並可供公眾使用，而貫通該路段嘅元朗攸壆路部分，剛於上月啟用，剩餘嘅路段則預計最遲今年9月開放。

Photo from 土拓署

單車徑嘅設施完善，沿路除咁有道路標記、護欄等設施，更會設有休息處供踩單車人士休息。

另外，單車徑鄰近港鐵站，如上水站、大學站等，站內會設有單車匯合中心，方便踏單車人士集合及解散，而中心內亦設有單車租賃站、急救站洗手間等設施。

Photo from Holiday Smart

而荃灣至屯門嘅路段則因工程尚未完成。土拓署預計，最快明年初可開放荃灣青荃橋至灣景花園一段給公眾使用。

Photo from Holiday Smart

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）