不斷更新！！教育局宣布全港所有學校最新抗疫措施安排

（更新：31/8/2020 15:10）受疫情影響，早前全港學生已提早放暑假，雖然暑假提早咗，但就因為部分學生喺嚟緊一年需要為升學作準備，因此教育局容許學校可於暑假期間繼續考試及補課，不過今早教育局就疫情發展進一步限制校內活動。

今日已經係8 月嘅最後一日（31日），根據以往，一班學生哥依個時候都已經準備好新學年開學。但今年因為疫情影響，一班學生復課無期，而今日教育局局長楊潤雄就喺記者會中，指出新學年將於九月下旬分兩階段恢復面授課堂，第一階段為中小學一、五、六年級及幼稚園高班，可於 9 月 23 日率先復課；至於第二階段，則為中小學嘅二至四年級、幼兒班及低班，則可於9月29日復課。而面授課堂將以半日制形式進行。

教育局局長楊潤雄指，因國際學校及幼稚園嘅新學年以往於8月上旬開始，但鑑於疫情未受控，今年將唔會早於 8 月 17 日開學，並會喺開學前2周給予學校時間準備，而新學年亦唔會安排中三或以下嘅跨境學生回港上課。

教育局向全港學校校監及校長發信，表示決定收緊措施，要求學校要喺3日內完成所有考試，如未能完成則需延後或取消部分考試，以便盡早開始放暑假。

Photo from shutterstock

另外，當局亦要求學校由7月15日起暫停所有校內活動，包括所有補課及課外活動，直至7月28日。

期間如非必要，所有學生不應回校，相關安排亦適用於提供非正規課程學校，包括補習學校嘅面授課程。

Photo from shutterstock

此外，部分會於8月開始新學年嘅學校及幼稚園，該局明白學校、家長及同學都希望盡快知道新學年嘅安排，以作準備。

Photo from schoolland.hk

教育局亦與衞生專家及業界保持緊密聯繫，並因應疫情發展，盡快敲定並公布新學年嘅相關安排，並提醒學校應為有需要嘅學生提供適當嘅學習及情緒支援。

延伸閱讀：

8個輕微症狀　眼紅/全身痠痛無力/失去味覺及嗅覺睇自己有冇中招？！

【新冠肺炎｜香港確診名單】確診患者到訪食肆、商場一覽（持續更新）

每日Update！香港本地確診個案、死亡人數一覽

林鄭記者會最新抗疫措施 食肆、公眾聚集限制懶人包

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）