熊本112年鰻魚老店因水災痛失秘製醬汁！200條鰻魚僅淨3條

日本九州連日暴雨，造成超過60人死亡，位於熊本縣嘅112年鰻魚老店「上村鰻魚屋」受暴雨影響水浸，一直使用嘅百年秘製醬汁被洪水沖走，水槽內200條鰻魚僅剩3條。

熊本縣人吉市有一間開業112年嘅鰻魚老店「上村鰻魚屋（上村うなぎ屋）」，唔止當地人常去，亦吸引唔少遊客慕名而來。

Photo from NTTVJP

鰻魚屋嘅秘製醬汁由現任店主村上由紀穂嘅祖父於1908年開業時流傳至今，可謂係店主嘅家傳之寶。

Photo from 上村うなぎ屋(人吉)公式サイト

受暴雨造成水災影響，熊本縣多處水浸，上村鰻魚屋都唔例外，店主妻子喺7月4嘅朝早7點同4名員工到達店舖。發現店舖水浸，水位更已到膝蓋位置。

佢哋馬上上三樓避水，後來水位更浸到去二樓地板30厘米以上。當日下午3點終於開始水退，但落到一樓時卻已經太遲。

裝住店舖開業後一直傳承下嚟嘅秘製醬汁已被洪水沖倒，112年歷史嘅家傳之寶隨水流失。

Photo from NTTVJP

原本喺店內水槽嘅200條鰻魚，只淨返3條，其他唔係隨洪水逃走就係已死亡。

Photo from NTTVJP

店主上由紀穂面對咁嘅情況表示傷心到無法流淚，都唔知講咩好，只好笑住面對。

資料來源：Yahoo! ニュース

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）