【抗疫湯水食譜】5款潤肺、增強抵抗力湯水 某類人士忌飲用!

【抗疫湯水食譜】5款潤肺、增強抵抗力湯水 某類人士忌飲用!

生活熱話 健康資訊
By Celia on 14 Jul 2020
Digital Editor

自7月5日起,香港已出現超過百宗本地感染個案,隨住限聚令再次收緊,本港唔少公司都再次推行Work for Home 計劃,令員工可以安心留家工作抗疫,減少因外出而中招嘅機會。而尋日政府更宣佈下午六點後餐廳冇得堂食!無得出街晚飯,喺屋企都唔好淨係食外賣~煲啲有益嘅湯水畀屋企人飲,祝大家身體健康!

Photo from shutterstock

當然預防方法除咗減少外出,減低接觸病毒、社交傳播之外,同時仲要增強自身抵抗力。小編今次就搵嚟5款潤肺、增強抵抗力嘅湯水推介畀大家!

川貝燉桔餅潤肺方

適合肺弱、時常咳嗽、呼吸系統不強、痰多、沙聲、老烟槍等人士飲用。

材料:桔餅 2粒,南杏 10克,北沙參 12克,川貝 8克,冰糖 適量

做法:材料洗淨,以500 ml水,燉 1 小時即可。

註:服用時,忌食生冷及油炸食物

養陰清火湯(懷孕者亦可飲用)(2-3人用)

材料:蘋果 3個,雪梨 3個,無花果 3粒,海玉竹 10克,沙參 10克,百合 10克,麥冬 5克,淮山 15克,栗子 8粒,果皮、南北杏 適量

做法:蘋果、雪梨切塊,備用。其他材料洗淨,將所有材料放入,煲2小時即可。

註:感冒多痰者不宜飲用

Photo from HolidaySmart

海底椰雪耳百合湯

適合容易口乾口渴、咽喉乾痛、皮膚或大便乾燥人士。

材料:海底椰8錢,雪耳2朵,百合5錢,無花果5粒,瘦肉6兩

廣告
廣告

做法:瘦肉洗淨汆水3分鐘左右,拿起備用。雪耳浸至發大,去硬蒂及黑色部分;無花果洗淨剪半備用。百合及海底椰浸洗。煲滾2公升水,將全部材料放入煲內,加水煮約2小時即成,最後加入適量鹽便可。

註:此湯水不適合正值傷風感冒、痰多、大便濕、容易肚瀉胃痛人士

 

龍脷葉豬肺湯

適合經常捱夜、夜睡,進食過多煎炸人士飲用。

材料:龍脷葉30克,豬肺1個,沙參15克,玉竹20克,菊花6克,蜜棗2粒

做法:豬肺洗淨,切塊,乾炒至水份蒸發,備用。其他材料洗淨。將所有材料放入,煲2小時即可。

海帶蘿蔔蜆湯

有肋提高免疫力、降壓及排毒。

材料:海帶一至兩片,白蘿蔔一條,蜆1斤

做法:蜆以鹽水浸至吐沙,海帶浸水待軟身後切塊。白蘿蔔去皮切塊,備用。先將約2公升水煲至水滾,加入海帶及蘿蔔,以大火煲10分鐘,再轉細火煲10分鐘。轉大火加入已洗淨嘅蜆,煲至蜆開口加入少量鹽調味即可。

趁住最近冇得出街,喺屋企煲嚟試吓呀!

不過小編都要提提大家:每個人體質不同,如有疑問,請先向註冊中醫師查詢。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel