三浦春馬已秘密舉行葬禮！回顧10部經典作品 5部遺作尚未公開

日本男演員三浦春馬上星期於家中離世，終年30歲。佢逝世消息震驚亞洲，經紀公司發聲明指已舉行非公開葬禮，佢突然離世，尚有好多作品正在拍攝或未曾上映、播出。重溫其10大經典作品。

三浦春馬逝世消息令人婉息，佢嘅經紀公司Amuse發聲明指同佢自中學以嚟合作16年，至今仍無法接受同相信佢嘅離去。

至於葬禮，同三浦春馬親屬商量後，已以密葬形式舉辦。

#三浦春馬10部經典作品

1. 《14歲的媽媽》2006年

同志田未來合演一對未成年父母。當年僅16歲，飾演中學3年級嘅桐野智志。與女友未希（志田未來飾）發生關係而意外懷孕。

雖然電視劇中志田未來嘅發揮更大，但三浦春馬嘅演出仍令人印象深刻。

2. 《戀空》2007年

改編自手機小說，由新垣結衣同三浦春馬主演。佢同新垣結衣飾演嘅高中生美嘉交往，兩人歷盡波折嘅純愛故事。

呢套電影更令三浦春馬獲得2008年第31屆日本電影學院獎「優秀新人俳優獎」。

3. 《極道鮮師3》2008年

三浦春馬飾演風間廉，角色性格開朗，好為朋友著想，同緒方大和爭奪老大寶座。

4. 《BLOODY MONDAY》2008年

改編自同名日本漫畫，三浦春馬飾演天才黑客高木藤丸，同劇仲有佐藤健。

劇中三浦春馬雖然係高中生，但卻擁有超強黑客技術。電視劇嘅收視率都唔錯。

5. 《只想告訴你》2010年

改編自日本少女漫畫，三浦春馬飾演電影版男主角「風早翔太」，個性開朗直爽。

而三浦春馬之後更同飾演女主角嘅多部未華子3度飾演情侶。

6. 《最後的灰姑娘》2013年

同篠原涼子、藤木直人大演三角戀！雖然年紀輕輕，但佢嘅演出仍令一眾「姐姐」心動。

7. 《我存在的時間》2014年

三浦春馬飾演患上肌萎縮性脊髓側索硬化症（ALS），俗稱漸凍人症嘅澤田拓人。亦係佢第二次同多部未華子飾演情侶。

可以話係男版《一公升眼淚》，男主角為摸索人生方向而努力奮鬥，非常感人，而三浦春馬演繹漸凍人症患者，演技出色。

9. 《進擊的巨人》2015年

三浦春馬飾演男主角艾倫，雖然電影口碑一般，但能出演呢部超人氣作品嘅電影版，可見三浦春馬嘅人氣同演技都備受肯定。

9. 《信用欺詐師JP》2019年

於電影版《信用欺詐師JP：香港浪漫篇》首度登場！佢飾演天才戀愛欺詐師，雖然為客串出演，但本來亦會再出演第二部電影《信用欺詐師JP：公主篇》。

10. 《TWO WEEKS》2019年

改編自李準基主演嘅韓劇，佢飾演為救絕症女兒而亡命天涯嘅男主角結城大地，呢個角色曾入獄，對佢演技非常大挑戰。

#三浦春馬尚未公開遺作

1.《信用欺詐師JP：公主篇》：將按照原定日期於7月23日上映，官方Twitter發文紀念佢。

2. NHK電視劇 SP《太陽之子》：將按照原定計劃於8月15日播出。

3. 電影《ブレイブ 群青戦記》：將按原定計劃，於2021年公開。

4. TBS 電視劇《錢的盡頭是愛情的開始》：原飾演 猿渡慶太，拍攝到第3集便傳來逝世消息，原定9月播出。

5. 第二張單曲「Night　Diver」：原定於8月26日發行，將重新討論是否發行。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）