download HolidaySmart 假期日常 app
BNO移民英國特別簽證明年1月起開放申請 一文睇晒6大申請條件及資格

BNO移民英國特別簽證明年1月起開放申請 一文睇晒6大申請條件及資格

時事熱話 生活熱話
By Celia on 23 Jul 2020
Digital Editor

早前英國外相Dominic Raab就宣布向300萬有資格申請BNO嘅港人提供取得公民資格途徑,並兌現對英國國民海外護照(BNO)持有人嘅承諾。而喺 22 日英國就正式公布持有 BNO 護照嘅港人,由明年1月起可以申請特別簽證留英,並最多於英國逗留5年,之後可申請居留權。

英國政府喺當地時間 22 日就宣布推出新簽證「Hong Kong BN(O) Visa」,而依張新嘅Visa將會由2021年1月起,開放畀持有BNO嘅港人申請,申請人可於英國或英國以外地區生活,並最多可在英國逗留5年,之後可申請居留權。當中包括12個月內最多可離開英國180日。

英國政府喺當地時間 22 日就宣布推出新簽證「Hong Kong BN(O) Visa」Photo from gov.uk

據官方指,持BNO人士及其近親可透過網上、英國國內或國外申請此特別簽證可。當中BNO持有人近親包括配偶、民事伴侶、未婚伴侶、子女(首次申請時未滿18歲)以及其他高度依賴嘅家庭成員。

申請人可選擇分開2次每次30個月嘅居留,或單次性居留5年,喺居留期內有權工作及讀書,但於此期間內並不可獲得社會福利及免費使用國民保健服務。

申請人可選擇分開2次每次30個月嘅居留,或單次性居留5年

申請人於英國居留滿5年後便可申請定居身份(settled status),再定居1年後,即可正式申請成為公民。而喺居英期間,12個月內最多可離開英國180日。

申請人於英國居留滿5年後便可申請定居身份(settled status),再定居1年後,即可正式申請成為公民。Photo from PressLogic

咁有咩申請條件?!英國就喺官方網站中列出6大申請條件:

。須證明自己為BNO持有人
。於香港居住
。證明自己和任何家屬財政至少能喺英國生活6個月(需付有關證據證明)
。展示出願意學習英語嘅意願
。取得由英國內政部認可診所發出之結核菌素皮膚測試( tuberculosis (TB) test certificate )證書
。繳付有關費用及移民健康附加費(immigration health surcharge)

咁至於1997年7月1日或之後出世,又已過18歲嘅人點?Photo from HolidaySmart

另外,唔少人都會關心一個問題,就係......咁至於1997年7月1日或之後出世,又已過18歲嘅人點?英國亦有就此表示,原本喺 1997 年 7 月 1 日或之後出世,又已過 18 歲嘅人士係唔屬於認可親屬類別,亦無法申請BNO,但當地政府表示唔希望睇見家庭分離,因此依款情況將會酌情處理,如申請人嘅父母其中一方持有BNO並一同申請前往英國,將可視被視為受撫養子女。

Source: Gov UK

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel