美國貓咪行為大師為流浪貓推訓練計劃　助提升自信及領養機會

近年愈嚟愈多人都會選擇以領養代替購買動物，但除咗以佢哋嘅外表揀選之外，如果依隻貓貓會同你擊掌，咁又會唔會畀到你另一種吸引力，令你更有領養依隻貓貓嘅衝動呢？！

喺美國就有一位貓咪行為大師Jackson Galaxy發起一項名為「Cat Pawsitive」嘅計劃。

Photo from Animalkind

Jackson認為收容所中嘅貓咪一般比較缺乏自信及害怕人類，就算係比較友善嘅貓咪亦會容易緊張，難表現出自己最好嘅一面，導致領養機會下降。

Photo from Animalkind

依個計劃會訓練收容所嘅貓咪學識「擊掌」、「撞頭」或「跳圈圈」等可愛動作，以提升貓咪自信心及被領養嘅機會。

Photo from Animalkind

Jackson會走訪貓咪收容所透過遊戲或親訓過程幫佢哋減輕壓力，讓害羞嘅貓咪學會社交，唔再躲藏喺角落，領養人可以更快跟貓咪達成心靈上嘅連結。

Photo from Animalkind

目前已有上百間收容機構參與並有逾千隻貓咪成功找到新家～

Photo from thejacksongalaxyproject.org

而最近佢哋為鼓勵更多機構加入，就舉行咗一個收容所訓練比賽，參加者只需要將訓練影片上傳到網路，再由網友投票選出最有創意嘅訓練影片，就能贏得高額獎金！

Source：Cat Pawsitive

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）