download HolidaySmart 假期日常 app
半島董事千金超「離地」生活公開!搭直升機散步+出門要管家抱 徵男友條件超浮誇

半島董事千金超「離地」生活公開!搭直升機散步+出門要管家抱 徵男友條件超浮誇

時事熱話 生活熱話 娛樂新聞
By Jennifer on 30 Jul 2020
Digital Editor

香港半島酒店集團董事千金Julia出演日本綜藝節目,公開自己超奢華生活,包括住5000呎豪華獨立屋、搭直升機散步、出門由管家抱等。佢更公開徵男友,條件超誇張!

香港半島酒店集團董事局成員Nicholas Timothy James Colfer嘅獨生女Julia Colfer,今年23歲,喺日本演藝圈發展,出演日本綜藝節目。

香港半島酒店集團董事局成員Nicholas Timothy James Colfer嘅獨生女Julia Colfer,今年23歲,喺日本演藝圈發展Photo from 《マルコポコリ!》

其實佢兩年前已經出演過《今夜くらべてみました》,公開自己奢華嘅一日。近日再出演日本綜藝節目《マルコポコリ!》,分享離地生活。

Julia喺半島酒店嘅總統套房用膳,當日嘅法式午餐有龍蝦、牛肉等,一人盛惠$港幣2,100,Julia仲請埋兩位朋友食。

Julia喺半島酒店嘅總統套房用膳,當日嘅法式午餐有龍蝦、牛肉等,一人盛惠$港幣2,100Photo from Julia Colfer Instagram

飯後佢搭直升機「散步」,直升機飛行30分鐘,已花近$1.8萬。散完步佢去半島酒店廚房,試食幾款魚子醫,又使咗近$7,000港幣。

飯後佢搭直升機「散步」,直升機飛行30分鐘,已花近$1.8萬Photo from Julia Colfer Instagram

一個下晝就用咗超過3萬。佢喺香港加多利山居住,超過5000呎,有5間房、4個客廳、2個飯廳、2個廚房、2個酒吧。

Julia Colfer喺香港加多利山居住,超過5000呎,有5間房、4個客廳、2個飯廳、2個廚房、2個酒吧。Photo from 《マルコポコリ!》

後來Julia喺日本發展,獨居東京豪宅。全屋單係水晶吊燈就有18個,仲有超現實主義派畫家—馬克.夏卡爾 Marc Chagall 3幅作品。

Julia獨居東京豪宅。全屋單係水晶吊燈就有18個Photo from 《マルコポコリ!》

Julia獨居東京豪宅有超現實主義派畫家—馬克.夏卡爾 Marc Chagall 3幅作品。Photo from 《マルコポコリ!》

佢返學當然有專車接送,但最誇張嘅係Julia嘅專屬管家會抱佢上車,由出門到返學,Julia隻腳都唔會掂到地下......所以有一次佢竟然到學校先發現唔記得著鞋。

Julia嘅專屬管家會抱佢上車,由出門到返學,Julia隻腳都唔會掂到地下Photo from 《マルコポコリ!》

有一次Julia竟然到學校先發現唔記得著鞋Photo from 《マルコポコリ!》

佢表示:「行路太麻煩」所以叫管家抱。Julia又指日式燒肉只會食最頂級嘅牛肋肉同牛柳。

Julia 23年嚟從未拍過拖,問到佢嘅理想型,Julia不諱言希望對方越有錢越好,更喺節目中徵男友,條件就係身家有9兆円(約港幣$6,600億)!因為佢本人嘅人生目標就係擁有9兆円。

問到理想型,Julia不諱言希望對方越有錢越好Photo from 《マルコポコリ!》

Julia 喺節目中徵男友,條件就係身家有9兆円(約港幣$6,600億)!Photo from 《マルコポコリ!》

不過有網友查過2019年福布斯全球富豪排行榜,發現地球上擁有6,600億港幣身家嘅男人得返2個......(排第三嘅巴菲特都無咁多)

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel