【網上買餸】7大網上街市/餸包平台及App優惠　足不出戶也可預備一日三餐！

By Celia on 03 Aug 2020

Digital Editor

自7月初第三波疫情爆發，全港已錄得 3,590 宗確診感染個案，而累計死亡個案則有 37 宗。隨住政府公布一系列抗疫措施，加上早前部分個案都嚟自街市，不過因為晚市禁堂食及限聚令嘅關係，唔少人都開始自己預備一日三餐，但又想減少社交接觸，唔想成日去街市入貨，咁點做好！？

依個時候不如試吓網上買餸，小編今次就整合咗 7 個買餸平台畀大家選擇，畀大家可以足不出戶都買到餸，自己動手煮，就唔使成日嗌外賣喇！

Photo from linkhk.com

1. 本地魚菜直送

本地魚菜直送係由蔬菜統營處推出嘅，APP 中提供咗各種新鮮本地有機、信譽蔬菜、水耕菜苗及鮮魚。

滿指定金額免費送貨優惠：買滿$250，加$28可享送貨服務；買滿$400，可享免費送貨服務。

Photo from 本地魚菜直送

2. foodpanda

除可揀選大家都熟悉的美食外賣，亦可一試近期推出的「生活百貨送遞」，app 內有多達超過 20,000 款於超級市場有售的生活雜貨可供選購，包括新鮮蔬菜、急凍食品、奶類及蛋類、罐頭、零食及各種日用品，而且免運費、還有各種折扣優惠，平均送遞時間更只需 25 分鐘!

Photo from foodpanda

3.　Jou Sun：農場直送食材

Jou Sun 從本地農場及外國嚴選逾千種貨品，包括農場直送，各種肉類、蔬菜、海鮮及麵包等等，最快翌日送到。

優惠：買滿$500即免運費、首次購物，可享9折優惠！

註：最低消費 $100

Photo from JouSun

4.　Oisix

Oisix主打日本直送優質食品，產品會表明產地，由日本空運到港，亦配備監管及檢測，令用家食得放心又安全。

店內推出每週限定體驗組合，一個價錢有齊15款食材，性價比高。

優惠：現時登記成為會員可獲贈$100優惠券及30天冷凍通行證。

Photo from HolidaySmart

5.　鮮直送

24小時享用海鮮直送服務，賣家每天會喺香港仔魚類批發市場直接選購海鮮，大家可以 app 中提早落單，亦可即日透過直播遙距選擇心水海鮮，落單後職員會透過鏡頭磅重及包裝，完成後會喺3小時內直接送上門。

另外，佢哋亦提供處理海鮮服務，配以特製密實氧氣魚袋或真空獨立包裝運輸，確保海鮮嘅運輸過程新鮮。

優惠：購物滿 $300均可享有免費送貨服務，包括港九新界（離島除外），而偏遠地區（愉景灣﹑馬灣﹑東涌）則需另加過橋費。

Photo from 鮮直送

6.　妳想煮意

「妳想煮意」係一家專門聘請婦女設計及製作即煮餸盒嘅社企，餸盒係預先洗切醃好嘅新鮮食材，大家喺網上落單及付款後，佢哋就會安排送貨服務，收到餸盒後只需要煮10至15分鐘就可以食，非常方便。

優惠：8月份月票，月票包括每星期8款餸盒及每星期一次送貨服務，售價為$1,880 。而如果喺指定嘅送貨地區取貨，更可即減 $160。

注：最低消費為 $120

Photo from 妳想煮意

7. Green Common

素食主義者必定認識的 Green Common。他們大力推動健康素食和綠色生活，美味的「全素肉類」未來漢堡(Beyond Burger)、未來熱狗(Beyond Sausage)和 Alpha Foods 的植物雞塊等，均由他們在美國以外獨家行銷，除了全港 8 間實體店中的餐廳和超市，他們亦有經營網線上購物平台，提供全素、奶素、無麩質等不同形式的素食類食品可供選購。Green Common 網店同樣支援 Apple Pay，亦有會員積分計劃及不少迎新優惠。

Photo from GreenCommon

而現時部分買餸平台已支援 Apple Pay 交易。大家如以 Apple Pay 喺 iPhone、iPad 或 Mac 上進行交易，只需要以 Face ID、Touch ID、密碼或只有用家知道嘅 Apple Watch 密碼嚟完成認證。大家就唔使擔心喺網上買餸時，因為要提供實際信用卡號碼及身分資料，而被人偷取資料。