「港版半澤直樹」陸駿光首奪紐約電視電影節視帝銅獎　

現年42歲藝人陸駿光自2002入行而嚟，一直未有獲獎，不過經過佢喺近 20 年嚟嘅努力下，最近演技終於獲得國際認可，憑港台劇《星星的孩子︰魚蛋》奪得 2020 年紐約電視電影節男主角銅獎。

Photo from 陸駿光 Alan Luk/FB

陸駿光於港台劇《星星的孩子︰魚蛋》中飾演一名中年男士阿滔，阿滔經歷喪妻之痛，半年嚟獨力照顧 15 歲嘅自閉兒子俊俊，喺依個兩父子因為交流出現障礙嘅情況下，令阿滔心力交瘁，又要生計，有苦自知嘅情況下，最終被一位茶餐廳侍應阿魚打破，阿滔奇怪阿魚對俊俊十分了解，更喺佢身上明白到要跟俊俊建立溝通，舒緩兩人嘅緊張關係十分重要。

Photo from 港台劇《星星的孩子︰魚蛋》

Photo from 港台劇《星星的孩子︰魚蛋》

對於陸駿光嚟講依個係佢入行以嚟首個國際性演員獎項，佢直言：「今次得獎好驚喜，但都不能開心太耐，希望疫情快啲完，可以繼續投入工作、繼續沉着應戰做好每一個角色。」

Photo from Blacklight Artist Management/FB

而佢更喺 Facebook 分享喜悅：「1999年入演藝學院2020年獲得人生第一個獎項 其實能夠把演員當成職業已經係一件幸福嘅事 多謝沿途俾機會我的每一位」

另外，除咗陸駿光奪得男主角銅獎之外，呢套劇同時仲獲得mini series嘅銀獎，真係恭喜晒呀！

Photo from Blacklight Artist Management/FB

一齊重溫吓依套劇呀！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）