超實用！台灣POCKETALK x 多啦A夢推特別版多功能翻譯機　除咗翻譯仲可以互動對話

去旅行最怕係咩？唔少人都會覺得語言溝通唔到係最大問題，特別喺世界上不同國家嘅語言咁多，人總冇辦法全部學晒，所以唔少人都會選擇用翻譯機，解決在外地語言不通的難題。而知名品牌Pocketalk早前就適逢多啦A夢發行50週年推出咗一部特別版翻譯機。

Photo from POCKETALK

依部特別版翻譯機用咗多啦A夢嘅配色，正面嘅「TALK」鍵改為黃色，十足多啦A夢頸上嘅鈴鐺，機身則採用象徵多啦A夢嘅藍色，喺背面仲有一個紅色小圓點添！

Photo from POCKETALK

唔好睇翻譯機機身輕巧，其實裏面仲有超實用多功能㗎，翻譯機具備咗 75 種語音翻譯、文字翻譯、拍照翻譯以及貨幣轉換等功能，一機在手就好似帶咗多啦A夢一齊去旅行一樣。

Photo from POCKETALK

翻譯機內建全球通用嘅 eSIM，使用者可於 133 個國家與地區享受兩年免費嘅行動網路。

此外，翻譯機嘅 800 萬素相機及雙降噪MIC，可畀使用者無論喺遇到看唔明嘅菜單、路標，定係嘈雜嘅環境中進行雙向語音翻譯。以及喺唔使出門嘅情況下，更可以使用內設嘅 36 堂英文情境互動會話課嚟練習！

Photo from POCKETALK

不過依部機價錢唔算平，一部就要價 $10,800 台幣（約 $2,838 港元），依個價錢包括一部翻譯機、多啦A夢隨身包、透明保護殼，及限量嘅多啦A夢保護殼！

Photo from POCKETALK

到底抵唔抵就大家自己決定喇～

POCKETALK x 多啦A夢翻譯機
早鳥價：NT$10,800（約 HKD$2,838 ）

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）