北海道札幌全新溫泉酒店！設桑拿+露天風呂！登別溫泉水直送

位於東京新宿嘅「ONSEN RYOKAN由緣」開業以嚟都極受歡迎，最近喺北海道札幌開分館！位置喺市中心交通方便，酒店設有大浴場、桑拿及露天風呂，更用登別市溫泉直送溫泉水。

東京新宿嘅「ONSEN RYOKAN由緣」開業兩年，喺東京市中心都浸到箱根嘅溫泉，所以一直深受歡迎。

ONSEN RYOKAN由緣最近喺北海道札幌開全國第二分館。坐落札幌市中心，交通方便，步行至札幌站、大通站只需10分鐘。

酒店一共有182間房，10種唔同房型，可以畀2~4人住。酒店部分房間有落地大玻璃，景觀開揚。

酒店房型（可左右滑動）：

酒店房間採用木系傢私為主，充滿和式風格。

既然係溫泉酒店，當然有得浸溫泉啦！酒店設大浴場、桑拿、露天風呂，泉水由登別市Karurusu溫泉直送，對腸胃病、肌肉痛、關節得問題有紓緩功效。

設施豐富，但價錢原來唔太貴！雙人房最平每晚只需8,000円起（約港幣$587）。

ONSEN RYOKAN 由緣 札幌

地址：北海道札幌市中央区北1条西7丁目6
交通：地下鉄大通駅 1番出口步行約8分鐘；JR札幌駅・地下鉄さっぽろ駅 10番出口步行約13分鐘；札幌駅前地下歩行空間 8番出口步行約8分鐘；
地下鉄西11丁目駅 4番出口步行約10分鐘
訂房：官網

圖片來源：ONSEN RYOKAN由緣

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）