對肥胖人士無效？美國疾病控制及預防中心警告：BMI 30或以上恐對疫苗失效

新冠肺炎疫情全球持續，香港嘅確診人數更係每日持續上升，各國都加緊研發抗疫苗，望疫情可早日得到控制。但繼早前英國有大學研究團指6呎高人士感染率為他人兩倍後，最近更有美國專家提出警告指身高體重指數（BMI）達30或以上嘅人，疫苗有機會會無效。

其實肥胖人士對於接種疫苗成效低一事，最早係喺 1985 年被發現。當時嘅研究中發現接種咗流感、乙型肝炎和破傷風、狂犬病等疫苗嘅肥胖成年人，喺注射後相對較容易受到感染。

Photo from Presslogic

而喺2017年時，美國北卡羅萊納州大學教堂山分校就曾喺《國際肥胖期刊》中發表研究報告亦有指出相同嘅論證，並表示感染流感嘅機會會比正常體重人士高 2 倍。

Photo from Presslogic

另外，亦有專家於免疫代謝學研究中發現，肥胖可干擾免疫反應。由於身體內嘅免疫系統會按照每個人嘅自身情況對身體啟動發炎警告，並以白血球及蛋白質嚟抵抗，而現有嘅告種疫苗正正就係利用發炎反應令其體內出現抗體。

但因為肥胖人士嘅身體免疫系統有所不同，佢哋嘅體內長時間處於慢性輕度炎症狀態，干擾咗免疫系統嘅正常反應，所以疫苗嘅功效就會冇咁顯注，甚至有機會提高染病風險。

Photo from Presslogic

因此綜合以往嘅研究報告，美國疾病控制及預防中心（CDC）就提出警告指，BMI達至30或以上嘅癡肥人士，若確診好有可能會成為重症患者。即使有疫苗面世，對佢哋嚟講可能都係失效。

Photo from Presslogic

雖然根據以研究經驗得出依啲結論，但醫學不斷進步，所有可能都會發生，所以阿拉巴馬大學內分泌學家 Timothy Garvey 就強調就算疫苗對肥胖人士成效偏低，但仍然建議接種。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）