44歲小肥宣布出櫃！28歲先確定性取向：我未準備好去面對

男歌手小肥（徐智勇）喺陳志雲Youtube節目《Stephen．傾》中公開出櫃，承認自己係同性戀者。佢表示28年嚟都一直否定緊自己：「未準備好面對。」足本訪問今晚播出。

陳志雲Youtube Channel節目《Stephen．傾》邀請歌手小肥受訪，佢喺節目中宣布出櫃。

陳志雲喺節目中問小肥：「記者成日問我係咪中意男人？有好多人都問過你」小肥鼓起勇氣回答：「未準備好，其實一直都驚，心裏面有啲負擔。」

佢指自己28歲先確定性取向：「28年嚟一直否定緊自己某啲嘢，習慣咗，同埋一個恐懼，自己都驚咗，如果承認咗某啲嘢會點呢？」

陳志雲直接問小肥係咪承認自己嘅性取向，小肥點頭表示：「我未準備好去面對」指自己嘅第一步畀咗對方。

其實小肥之前喺微博關注大隻仔，當時已有人疑惑佢係咪同性戀，小肥否認但就話：「唔歧視同性戀。」

佢表示自己想坦白：「但好難衝破，唔知點解。」而佢亦喺IG公開接受訪問後心情：「震撼的訪問內容，震撼的回答到他們跟我自己......深吸一口氣，再深呼一口氣。」

而預告公開後小肥都喺IG表達感受：「驚魂未定....嚇親大家，唔好意思。仲好緊張，但我自豪。」更留下彩虹emoji。

一眾圈中好友留言支持小肥！

完整版訪問將於今晚播出。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）