秒變3D斜角巷街景！哈利波特最新立體書　神還原多個經典場景

《哈利波特》自推出熱潮以嚟一直有增無減，而隨住作者 J.K.羅琳宣布再推出新書《北美魔法史》（History of Magic in North America），又再引起新一輪魔法熱潮。而最近就有一本全新嘅 3D 立體書《哈利波特：斜角巷3D魔法立體書》。

依本書由國際級紙藝大師 Matthew Reinhart 製作，書中還原多個場景如斜角巷、夜行巷、9 又 3/4 月台以及魔法部，全書一共有 10 頁，將書展開仲可以形成一條立體嘅街景添！

Photo from 博客來

其實 Matthew Reinhart 之前都曾經推出過一本《哈利波特：霍格華茲3D魔法立體書》（Harry Potter: A Pop-Up Guide to Hogwarts），當時就呈現咗霍格華茲城堡、鄧不利多辦公室、禁忌森林、活米村等著名場景，全書共5頁，而整本書攤開就會成為一張霍格華茲立體地圖。

Photo from 博客來

而今次書中亦同樣藏咗唔少電影中嘅場景細節同機關，只要拉動紙條，就會出現相關人物情節，如哈利同海格從紅磚牆進入斜角巷、三位主角喺古靈閣與食死人對戰以及衛氏巫師法寶店等情節，讓渴望成為巫師或女巫嘅讀者們，可以親自動手操作機關，如置身其中親歷其境冒險一樣。

Photo from 博客來

Photo from 博客來

Photo from 博客來

另外，隨書仲會附送附哈利、榮恩、妙麗、鄧不利多、石內卜等角色紙偶，搭配立體故事場景自由運用，創造專屬於你的魔法冒險世界～

Photo from 博客來

有興趣嘅魔法迷即日至 8 月 31 日於博客來官網預購，仲有 38 折優惠添！售價為 $999 台幣（約 $263 港元），原價 $2625 台幣（約 $692 港元）。

一齊嚟睇吓有咩特別之處！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）