旅發局宣布取消單車節　美酒佳餚巡禮將首次移師網上舉行

自 7 月初香港第三波疫情爆發以嚟，疫情一直反反覆覆，加上政府嘅一系列抗疫措施，唔少活動都因此而宣布取消，而原定於今年冬季舉行嘅「香港單車節」及「香港美酒佳餚巡禮」亦同將會取消及更改舉行方式。

旅遊發展局宣布由於疫情發展不明朗，加上環球疫情反覆，為確保本地及海外車手、工作人員以至現場參觀人士嘅健康同安全，為審慎起見，決定取消原定於今年11月舉行的嘅「香港單車節」，今次已經係繼2019年之後第二年取消喇！

Photo from 香港旅遊發展局

另外，每年嘅重點美酒美食活動「香港美酒佳餚巡禮」則會首次移師網上舉行，並且將整會活動時間延長至為期數星期。

Photo from 香港旅遊發展局

旅發局將會為活動設計全新嘅一站式網上平台，並會網羅過百餐廳及酒商優惠，並加入新式網上體驗，例如網上品酒學堂、名廚烹飪班、由品酒專家及調酒師主持不同主題嘅品酒環節等，仲會請嚟多位名廚示範招牌菜。.

Photo from 香港旅遊發展局

此外，今年仲會加入一個特色活動，就係網上葡萄酒拍賣會，當局正與國際網上拍賣公司及本地酒業拍賣平台商討合作，搜羅多款特色酒品供參加者拍賣，投得心水佳釀後主辦方更會安排直送到家中。

Photo from 香港旅遊發展局

旅發局表示，今年首次將香港美酒佳餚巡禮移師網上進行，係希望可以令市民及旅客可以不受社交距離限制，享受世界級嘅美酒美食體驗。

Photo from 香港旅遊發展局

而早前已報名參展嘅商戶將可免費參與網上「香港美酒佳餚巡禮」。

更多活動詳情將稍後公布。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）