古天樂疫情期間再捐建4間學校！12年來共135幢教學樓落成

古天樂2008年成立「古天樂慈善基金」，經常做善事。為內地捐建過百間學校，疫情期間更搜羅各地口罩贈與弱勢社群。有網友發現古仔今年再捐建4間學校，至今已有135幢教學樓！

古天樂出道多年，唔止有情有義，為圈中有困難人士出手相助，亦經常做善事。

Photo from 古天樂微博

2008年，古天樂成立「古天樂慈善基金」，不過佢行善向來低調，雖然大眾都知佢一直有為內地捐建學校，但佢本人從未提及。

Photo from 古天樂微博

Photo from 圈內扒爺微博

單係今年疫情期間，佢再捐建4間學校，包括：「孫崗小學古天樂第132教學樓」、「城關鎮中心幼兒園古天樂第133教學樓」、「茂盛完小古天樂第134項目實驗綜合樓」、「羊磴鎮古天樂第135教學樓」。

成立慈善基金呢12年嚟，古天樂前前後後已捐建135幢教學樓！

Photo from 圈內扒爺微博

不過微博上出現一名叫卓偉嘅狗仔爆料，指古天樂捐嘅幾所學校，係某國際飲料集團做好事不揚名，以古天樂名義捐贈，古仔不僅樂於借花獻佛，而且甘於「冒名頂替」。

Photo from 圈內扒爺微博

「古天樂」隨即登上微博熱搜，好快就有網友駁斥言論抹黑古天樂，指所有捐校明細都可以喺官網查到。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）