【鬼節禁忌 】避免怪事纏身！農曆7月10項注意事項你要知　冇咩事唔好四圍走呀～

農曆7月到喇！相信唔少人都一定聽長輩講過呢個月出夜街要小心，盡量避免可以唔出就唔出。但今年有少少唔一樣，就係今次遇正疫情，所以唔少人都已經習慣冇咩事唔會出街，不如其實喺屋企都有啲禁忌係要注意㗎。尤其係夜晚，雖然你可能會覺得有啲麻煩，但抱住「寧可信其有，不可信其無」嘅心態，都係能避則避，以免怪事纏身！

1.半夜不要晾衣服

農曆七月半夜最忌諱晾衣服，因為衣服乍看似人形，容易招來不必要的陰氣或靈體，在半夜晾一恐吸引意料之外的事物而近。

2.勿隨便亂拍照

Photo from shutterstock

夜晚係陰氣最重嘅時候，喺呢個時候最好唔好亂影相拍片，因為咁好容易出現「鬼入鏡」嘅情況，有傳說指如果影到靈異相嘅會招嚟厄運。

3.忌吹口哨與半夜喧囂

農曆七月最忌諱晚上吹口哨，恐吸引到一些陰氣或靈體；另外，也忌諱在深夜敲敲打打，避免靈體受到聲音吸引前來。盡量讓夜晚保持寧靜。

4.忌喚名拍肩 切記不能回頭

Photo from shutterstock

有傳每個人肩、頭頂都有三把火，係保護人嘅精神與元氣，如果被拍熄滅就好容易出事，所以農曆七月切勿隨便叫人姓名、拍人肩膀。晚間喺路邊或喺郊外若聽到有人呼喚你全名或拍你肩膀時，切忌擰番轉頭！

5.勿靠著牆走

有傳靈體最喜歡企喺於牆邊，如果有靠牆行嘅習慣呢個時候就要特別小心，以避唔小心「撞到佢哋」！

6.忌穿黑衣紅衣

Photo from 電影截圖

黑色本來就係比較沉嘅顏色，係靈體最鍾意依附嘅顏色。而紅色就因為顏色鮮明，所以容易引起注意。

7.忌筷子插喺飯

以前嘅人在街祭時將香插喺飯上作為祭拜之用，而筷子插喺飯上時睇起嚟就好似將香插喺飯上一樣，咁做會好容易招嚟靈體。

8.忌床頭、窗邊掛風鈴或身上掛鈴噹

有傳風鈴聲同法師嘅搖鈴聲相似，所以容易招來靈體。人喺睡覺時係最容易被入侵，而窗邊則有招靈體進來嘅意思。

9.避免搭末班車

Photo from 電影截圖

相信唔少人都聽過尾班車唔係載人呢個傳聞！有指係尾班車係畀靈體搭嘅，如果真係咁啱要坐尾班車，記得千萬唔好坐車尾，因為車尾一般比較容易聚集靈體，以免坐咗「人哋」個位就唔好喇！

10.忌喺街上執硬幣

有傳如果喺呢個時候執到錢，千萬唔好據為己有，因為有指呢啲其實係「買路錢」嚟，如果你拎走咗，靈體就好可能會跟你走！

以上 10 項只係平時大家比較容易觸犯嘅禁忌，絕非導人迷信。不過無論你信唔信都好，都係嗰句「寧可信其有，不可信其無」喇！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）