【本地日式食堂:在韓國街食平民價鰻魚飯】

【本地日式食堂:在韓國街食平民價鰻魚飯】

By曲奇獸 on 02 May 2017

東京食堂

曲奇獸
Photo from 曲奇獸

聽到「食堂」兩個字自然會諗起電影「深夜食堂」店面細細,招呼大堆唔單止為左食餐飯嘅客人。
呢個溫馨畫面同樣出現係尖沙咀金巴利街嘅「東京食堂」,想開間食店嘅老闆當時同經紀講要一間尖沙咀最平嘅鋪位,結果申聯大閘蟹對面就多左呢間二人經營居食屋。問到係咪想做到「深夜食堂」嘅形式,老闆表示佢又冇做到咁有人情味,不過可以提供一個簡約嘅空間,俾朋友坐低傾吓計食吓野,的確係其中一件希望「東京食堂」做到嘅事。

曲奇獸
Photo from 曲奇獸

話說推介鰻魚飯嘅原因好簡單,正正就係老闆鍾意食..當時記者問到自己最鍾意食咩,如題目所問佢答咗佢個人最鍾意嘅鰻魚飯,最後就變成記者推介之一。
半條烤過嘅鰻魚淋滿醬汁,以粟米粒車厘茄伴碟,雖然未有跟足日本做法,但以呢個價錢係尖沙咀算係合格。

曲奇獸
Photo from 曲奇獸

廣告
廣告

日式三大洋食之一嘅可樂餅 (蟹肉忌廉薯餅) 亦係另一必食之選,雖然非自家制食物,但即時炸起仍然金黃鬆脆,口感軟滑,配上椰菜絲亦可以減少油膩感。
提到日本嘅居食屋當然唔少得串燒,可惜午餐時段單人匹馬只有能力叫一個定食,下次再嚟一定要叫返份傳說中嘅大阪燒同埋餃子雞翼。

曲奇獸
Photo from 曲奇獸

下午茶貼近落場時間到訪,有幸一人獨霸食堂。如果遲啲嚟就有機會見到墟冚場面,老闆其實兩至三個人做到踢曬腳,不過有自己一間食店堅持走自己想行嘅路係幸福嘅。
身處於香港鋪租依然係一個問題,佢亦慶幸近年大家都有支持小店嘅行動,即使位置偏僻,仍有大堆港人捐窿捐罅搵本地食肆。

鰻魚飯(HK$65)
忌廉薯餅(HK$12)

東京食堂

地址 尖沙咀柯士甸路15A柯士甸大廈地下D舖
電話號碼 5616 6159
營業時間 星期一至日: 12pm-4pm ; 6pm-930pm

Share to Facebook