何遠東留家抗疫勁減20磅！ 鍛鍊兩個月：同一件衫鬆動啲係有少少滿足感

藝人何遠東琴日於IG發布一張照片，表示正在努力減肥中：「鍛鍊了兩個月，點都有少少成果。」而照片中的他睇落瘦足成個碼，不少圈中好友如姚子羚、蔡思貝、胡鴻鈞等亦留言大讚他好勁，瘦咗好多。

何遠東已加入TVB 12年，憑劇集《迷》、《降魔的》及《十八年後的終極告白》成功得到觀眾注意，「肥仔好戲子」的形象深入民心。最近，他留家抗疫，不斷努存做運動瘦身，結果鍛鍊兩個月終勁減20磅，除了一眾圈中好友紛紛留言支持他，不少網友都大讚何遠東瘦咗又精神咗，更有網友留言請教東東：「點減㗎？有無話要食咩餐單咁㗎？」。

何遠東琴日於IG發布一張照片指：「鍛鍊了兩個月，點都有少少成果。」，並Hashtag：「#Big東」、「#做運動需堅持」、「#同一件衫鬆動啲係有少少滿足感」、「#感謝鼓勵我的每個人」。東東初初開始減肥嘅時候，慢慢由做30分鐘運動加碼做接近兩個鐘。主要踩健身單車，除了做運動次外，飲食控制和足夠睡眠都需要好好配合，東東亦感思健康是福，睇嚟東東今次減磅真係好有決心呀！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）