外賣平台首推網上「中秋快閃店」　一站式訂購中秋佳品助你解決送禮嘅需要！

話咁快仲有幾日就到 9 月喇，每年依個時候都有唔少人開始為慶祝中秋佳節準備月餅，但今年因為疫情大家都會盡量避免去人多嘅地方，以減少中招機會，但唔出門又點去買心水呢？

最近外賣平台 Deliveroo 戶戶送就為咗方便大家首次推出網上「中秋快閃店」，畀客人可以一站式訂購月餅、禮籃、曲奇等中秋佳品，幫你解決送禮/自用嘅需要！

Photo from 香港瑰麗酒店

佢哋精選咗 11 個唔同價位嘅品牌，為客人提供多元化選擇，其中仲包括唔少著名嘅月餅品牌添，如：五星級酒店香港瑰麗酒店、米芝蓮星級食府都爹利會館、人氣茶飲店天仁茗茶、輕食店Paul Lafayet以及精緻甜品店 Sift Patisserie 等等。

Photo from Sift Patisserie

Photo from 都爹利會館

Photo from 天仁茗茶

另外，今年仲有兩間社會企業 Cookies Smile 及 The Nest Bakery。其中思拔中心旗下嘅 The Nest Bakery 則為有學習障礙嘅成年人士提供工作機會，助其發展潛能、融入社會。

Photo from The Nest Bakery

由即日起至 9 月 13 日，於戶戶送「中秋快閃店」購物滿 1,500 港元可享送貨服務，港島及九龍區嘅運費分別為 $150 港元和 $200 港元，送貨日期為 9 月 20 至 23 日，有興趣嘅大家可以去官網選購!

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）