打破吸塵機固有概念吸力強都可以超輕身！全新Dyson Digital Slim™輕量無線吸塵機

By Charlotte on 08 Sep 2020

Editor

曾經落手打掃嘅朋友就會知道，做家務講求結果之外，過程亦都好重要！你用緊嘅到底係咪一樣好嘅清潔用具？最基本就要睇吓佢到底能唔能夠同時具備清潔力同方便度啦～尤其而家家居清潔頻繁，好似吸塵機咁，如果日日拎住個咁笨重嘅吸塵機行勻全屋，真係又攰又唔方便！所以揀選吸塵機嘅時候，就要考慮以下條件啦～

選擇無線吸塵機有咩考量因素？
揀選一部吸塵機嘅時候，應該留意邊啲因素呢？大部分人最關注嘅當然係吸淨能力，其次就係續航力，亦即是吸得乾淨嘅同時使用時間亦要夠耐，咁就方便使用喇！

其實除咗性能方面之外，機身嘅大細同重量，相信亦係唔少港人商榷嘅地方。始終一般香港家庭嘅屋企空間有限，如果吸塵機太大部，的確會佔唔少位～所以機身細啲或者向上發展嘅直立式無線吸塵機就比較容易收藏，適合空間有限嘅家庭喇！千祈唔好以為吸塵機越大部就代表吸力越強，其實細細部都可以吸力強㗎～

Photo from Dyson

Dyson新推Dyson Digital Slim™輕量無線吸塵機

好似Dyson最新推出嘅Dyson Digital Slim™輕量無線吸塵機咁，比起Dyson V11系列嘅吸塵機，無論重量定係體積都減咗唔小。重量減輕咗30%¹，只有1.9kg，而體積就減咗20%，外型變得更輕巧，使用時更加方便～

除咗整體機身之外，連吸頭都輕咗！輕量軟質碳纖維滾筒吸頭，體積同重量都同樣下降咗40%²，而且更貼近地面達20%³！

新型號可以話係革新嘅設計，雖然重量減輕咗，體積又減少咗，但係效能表現一樣出色⁴！

Dyson Digital Slim™無線吸塵機就擁有以下5項效能，做到嘢同時又方便到用家，絕對係優勝之處。

#效能1 塵蟎、致敏原一一捕捉！先進全機過濾系統
香港嘅空氣污染問題一向都算嚴重，唔少港人都備受鼻敏感問題困擾。吸塵機除咗要吸到灰塵之外，好似塵蟎呢啲肉眼睇唔到嘅微細致敏原，就需要一一清除到。Dyson Digital Slim™就擁有完全密封嘅五層過濾系統，可捕捉99.97%小至0.3微米嘅微塵⁵，大至大粒碎屑，細至微塵、過敏原，都可以完全密封在機身內，而佢嘅氣旋組件周圍被密封墊圈圍住，同時先進濾網周圍都有加壓橡膠密封圈，令到成個系統喺完全密封嘅狀態下，有效防止灰塵回到空氣當中！

Photo from Dyson

#效能2 清楚知道用電量～智能顯示即時報告
有啲無線吸塵機會靠吸力大小去提示用家吸塵機嘅用電量，但係相對會無咁方便。而Dyson Digital Slim™就有屏幕清晰顯示當前嘅清潔模式同剩餘嘅運行時間，咁用家就可以更加準確知道幾時需要叉電，咁就唔怕用用吓會因為無電而停咗。另外屏幕仲會顯示濾網保養提示同喉管阻塞報告，及時提醒用家需要做保養同清潔～

Photo from Dyson

#效能3 超方便！容易清空及清潔
平時用吸塵機最怕就係倒走啲塵嗰陣，對手會掂到啲塵搞到污糟哂～但係Dyson呢部吸塵機嘅集塵筒係用「一鍵推射式」嘅設計，一推就會卸下，最大優勝之處就係當要清空集塵筒嘅時候，雙手並唔需要接觸到入面嘅灰塵。而且吸頭刷毛同一體式前後置濾網都可以水洗，咁就更加乾淨衛生啦！

#效能4 新配件最啱吸昏暗窄縫位！LED隙縫吸頭及低處清潔轉接頭
平時吸塵除咗吸地板之外，其實好多其他地方都好易積滿灰塵需要清潔，但係又無理由搵個拖地板嘅吸頭吸張床㗎？Dyson Digital Slim™其中一個超吸引嘅特點就係有多個吸頭配件，專為清潔唔同地方位置而設～好似地板吸頭、手提吸塵機，連床褥吸塵機都有，換一換配件就可以搖身一變，變成你需要嘅吸塵機。而今次仲推出咗全新嘅LED隙縫吸頭，當中配備LED燈管。平時要清潔一啲比較深入同昏暗啲嘅位置嗰陣，其實真係唔係好睇到，有時都真係靠估咋～

Photo from Dyson

而呢個LED隙縫吸頭除咗可以深入梳化、櫃台、床架背後等咁窄嘅位置之外，發光嘅LED燈仲可以照到昏暗嘅地方，咁就更加精準吸到灰塵啦！

Photo from Dyson

另一個重點係，佢嘅低處清潔轉接頭非當靈活，有時清潔低啲位置嗰陣唔使次次都要搬走啲大型傢俱，都可以好方便咁大範圍清潔好似梳化底或者床下底呢啲深處～

Photo from Dyson

#全新Dyson Digital Slim™ 輕量無線吸塵機系列備有3款吸塵機照顧不同用家需要！
全新Dyson Digital Slim™ 輕量無線吸塵機系列一共有3款吸塵機，當中嘅運作時間、充電所需時間、尺寸、重量同隨機吸頭都係一樣嘅，而包含嘅配件數量就唔同啦～

Photo from Dyson

Dyson Digital Slim™ Fluffy無線吸塵機：可替換電池系統、迷你電動吸頭、二合一細縫吸頭、低處清潔轉接頭、掛牆式充電座、配件收納夾

Photo from Dyson

Dyson Digital Slim™ Fluffy Extra無線吸塵機：可替換電池系統、迷你電動吸頭、二合一細縫吸頭、LED隙縫吸頭、床褥吸頭、高處清潔轉接頭、低處清潔轉接頭、延伸軟管、掛牆式充電座、配件收納夾

Photo from Dyson

Dyson Digital Slim™ Pro無線吸塵機（Dyson官網及體驗店獨家）：可替換電池系統、迷你電動吸頭、二合一細縫吸頭、LED隙縫吸頭、頑固污垢塵掃、床褥吸頭、延伸軟管、直立式充電收納架、充電壁掛底座、配件收納夾

真係好方便好吸引！全新Dyson Digital Slim™ 吸塵機已經喺各大電器零售商、Dyson官網同ELEMENTS圓方Dyson體驗店有售！另外如果想買可更換電池同充電器，都可以上返Dyson官網選購㗎～快啲上去了解詳情啦！

¹Dyson對輕量的定義為少於2公斤。重量與2019年推出的Dyson V11™吸塵機產品系列比較。
²與Dyson V11™軟絨毛滾筒吸頭相比
³與Dyson V11™ 吸塵機比較。根據IEC 62885-2 Cl5.4標準，吸塵測試由Dyson內部於2019年以強效模式於進行。
⁴吸力根據IEC 62885-2 CL5.8 and CL5.9標準，在集塵筒裝滿條件下，於2020年在Dyson內部和獨立第三方實驗室SGS-IBR US測試強效模式下的吸力。
⁵測試根據ASTM F1977-04標準，由獨立實驗室按照規定條件進行。