台北人氣冰店農曆7月限定「符咒冰」　暑氣退散符加上鮮紅果醬超應景呀！

農曆 7 月係亞洲人俗稱嘅鬼月，喺依個月大家都會盡量唔出夜街。而喺台北就有一間人氣冰品店「點冰室·ジャビン」推出咗一款超應景嘅「符咒冰」，吸引咗唔少人專程去打卡！

Photo from jabintw

依款農曆 7 月限定嘅「符咒冰」叫「冰什麼鬼」，冰店老闆喺刨冰上特意放上 1 張黃色嘅符咒打造鬼月氛圍，而符咒上更寫上搞怪勅令「暑氣退散」，為大家驅走暑氣！

Photo from jabintw

其實「符咒冰」係一款莓果葡萄刨冰嚟，所以大家點選依碗刨冰除咗會有驅走暑氣符之外，仲有付上綜合莓果醬，喺貼咗符咒嘅雪白刨冰度淋埋鮮紅濃稠嘅綜合莓果醬，係咪特別更符合氛圍了呢～

Photo from jabintw

而除咗莓果醬同符咒，刨冰中仲可以食到巨峰葡萄、果醬以及彈牙嘅白玉等材料添，酸酸甜甜嘅滋味令人一試難忘，難怪一推出就隨即引起打卡熱喇！

Photo from jabintw

依款「冰什麼鬼」係冰店嘅期間限定冰品嚟，只會喺農曆 7 月時食到（即 9月 16 日），雖然今年可能食唔到，不過睇吓相止吓癮都唔錯呀！

Photo from jabintw

點冰室·ジャビン
地址：台北市大同區承德路二段53巷33號（捷運中山站5號出口 ）
電話：0907-495-158
營業時間：13:00-20:00（逢星期三休息）

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）