download HolidaySmart 假期日常 app
【2020電影】戲院重開必睇五套精選9月新戲  除《天能》外仲有咩戲唔可以錯過?

【2020電影】戲院重開必睇五套精選9月新戲 除《天能》外仲有咩戲唔可以錯過?

電視電影
By Charlie on 01 Sep 2020
Digital Content Writer

隨著疫情慢慢緩和,防疫措施慢慢放寬,港府亦宣布戲院可以喺上月 28 日重開,相信對於各位戲迷嚟講都係好消息!最近有唔少新戲準備上映,小編為大家揀選咗 5 套九月話題性最高同必睇嘅戲,一解大家同戲院相思之苦~

《新變種人》(The New Mutants)

呢套電影改編至 Marvel 同名漫畫,同時亦係《X戰警》系列嘅延續。故事主要講述 5 個後生仔喺一間神秘醫院入面發現自己有超能力,而佢亦都係第一部行驚慄路線的《變種特攻》系列電影。呢套電影亦係 Marvel 之父 Stan Lee 最後一部有份監製的《變種特攻》系列電影。電影即將喺 9 月 3 日上映,鍾意 Marvel 嘅朋友千其唔好錯過。

Photo from flixster

 

《繼園臺七號》

呢套香港原創動畫將背景設定喺 1967 年嘅香港,故事圍繞住一對母女同一個男大學生之間嘅禁忌之戀。雖然當時好似好歌舞昇平咁,但個社會本身就好壓抑,思想亦受限,而後尾發生嘅六七暴動更加震撼咗成個社會。動畫都盡量還原當時香港嘅街景,畀大家重溫英治時期嘅香港。身兼導演同編劇嘅楊凡仲憑住呢套動畫榮獲金獅獎嘅最佳劇本,得到國際嘅認可。電影即將喺 9 月 5 日上映,或者我哋可以透過呢套電影去窺探一下身處六七時期嘅市民。

Photo from yahoo 電影

Photo from yahoo 電影

Photo from yahoo 電影

 

《天能》(TENET)

呢套未上映已經成日聽到佢個名!相信大家等到頸都長啦!呢套由 Christopher Nolan 執導嘅燒腦電影主要講述一場圍繞住「天能」而引發起嘅國際鬥爭,入面主角需要用到逆轉時間嘅能力去拯救世界。有人更加話呢套戲比以往 Christopher Nolan 嘅作品更加燒腦同玄。套戲係同間諜有關,入面當然唔少得大量嘅動作場面啦,就咁睇 trailer 已經覺得好精彩!電影即將喺9月10日上映,想挑戰自己嘅腦力嘅話就記得留意啦~

yahoo 電影Photo from yahoo 電影

Photo from yahoo 電影

 

《麥路人》

支持港產片是常識吧!今次呢套電影就以本地嘅麥難民作為主題,為大家呈現出唔同嘅小故事,畀我哋了解佢哋嘅辛酸同無奈。電影亦有唔少熟悉嘅臉孔,除咗有郭富城同楊千嬅之外,仲有抗癌成功嘅張達明,佢更憑住呢套戲榮獲香港電影金像獎最佳男配角獎。電影即將喺 9 月 17 日上映,希望大家會入場支持港產片之餘,都會盡力關心香港唔同嘅社會問題。

Photo from yahoo 電影

《皇家特工:第一任務》(The King's Man)

皇家特工系列相信大家都唔陌生,而呢套電影屬於系列嘅前傳,故事講述咗喺一戰時期,「皇家特工」為咗阻止一場足以滅絕百萬人嘅戰爭而誕生。今次電影加入咗唔少嘅新演員,例如有「佛地魔」Ralph Fiennes 同《黑魔后 2》嘅王子 Harris Dickinson 。電影會喺9月17日上映,皇家特工嘅粉絲唔好錯過喇~

Photo from yahoo 電影

Photo from yahoo 電影

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel