台中必去打卡熱點!新社「日式禪風」無菜單餐廳 半露天走廊賞景猶如置身京都一樣

台中必去打卡熱點!新社「日式禪風」無菜單餐廳 半露天走廊賞景猶如置身京都一樣

旅遊攻略
ByCelia on 03 Sep 2020 Digital Editor

喺台灣愈南部嘅地方大家就愈會搵到唔少日治時期嘅行跡,其實喺台中都有唔少,而喺台中嘅新社區就有一間充滿日式風格嘅景觀餐廳 - 又見一炊煙!大家可以悠閒自在咗坐喺半露天嘅走廊上一邊享用熱茶甜點,一邊欣賞戶外遼闊美景~

依間位於台中新社區嘅餐廳 - 又見一炊煙,係一間以靜謐日式庭院為主題首人氣無菜單餐廳嚟,餐廳環境清幽,再加上夢幻嘅日式庭院以及人造湖景,吸引咗唔少台灣人放假時專程去打卡影吓靚相。

Photo from 又見一炊煙

依間景觀餐廳無講喺室內定室外都充滿濃濃嘅日式風情,真係隨手影都可以影到唔少呃 like 靚相。

Photo from 又見一炊煙

而喺走廊外大家仲可以利用人造湖影天空之鏡添!

廣告
廣告

餐廳一共有兩層樓,可容納約 100 多人,日式塌塌米聚餐空間,另外亦有包廂服務,可以畀你同朋友靜靜地欣賞靚景!

Photo from 又見一炊煙

而餐點方面,因為餐廳係採用無菜單料理,佢哋會嚴選當季嘅天然食材,要配合出多款精緻嘅餐飲、甜點,所以唔同嘅時候去所食到嘅菜式都會唔一樣。

在 Instagram 查看這則貼文

無菜單料理🌿 第一張是最後一道甜點、飲品 小胖捲最後一道最開心❤️反而兒童餐點他不愛😄 (沒有吃飽還有麵線🐷) #很適合帶小孩來(包廂很適合不會打擾到其他客人) _ _ _ _ _ _ _ _ _ _ _ _ _ _ #又見一炊煙 #森林 #日式 #親子好去處 #無菜單 #無菜單料理 #台中餐廳 #台中市 #新社 #午餐 #台中景點📍 #instadaily #instagood #likeforlikes #instalike #likelike #instafood #taichung #taichungfood #taichungfoodie #life #媽媽日常 #photooftheday #ig景點 #girlstalk打卡#ig打卡熱點 #打卡景點 #景點家 #台中餐廳推薦

𝐌𝐢𝐜𝐡𝐞𝐥𝐥𝐞 𝐖𝐚𝐧𝐠 🐘💕(@mwang1015)分享的貼文 於 張貼

另外,午餐及晚餐都係採用預約制,一人套餐定價為 $1280 台幣(約 $338 港幣),而下午茶個人套餐定價為 $250 台幣 (約 $66 港幣),餐廳設另收加一服務費,菜式葷素皆有供應。

不過有一個點必須提提大家,餐廳訂明不招待 12 歲以下小朋友,所以大家係一家大小一齊去玩可能就要諗諗其他辦法喇~

又見一炊煙
地址:台中市新社區中興嶺街一段107號
電話:04 2582 3568
營業時間:11:00–21:00

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook