【泰國電視劇及電影精選】除3大CP新劇《I'm Tee, Me Too》外 仲有依5套超人氣推介!

【泰國電視劇及電影精選】除3大CP新劇《I'm Tee, Me Too》外 仲有依5套超人氣推介!

電視電影 生活熱話
ByCelia on 10 Sep 2020 Digital Editor

一講起泰國片唔少人第一個諗到嘅必定係鬼片或恐怖片,其實除咗依類電影之外,泰國其他類型嘅電視劇/電影都好好睇㗎!相信唔少人第一套睇唔係屬恐怖類嘅電影都會係《初戀那件小事》或《出貓特攻隊》,但除此之外,仲有唔少人氣高CP值嘅劇同電影㗎!

今次小編就精選 6 套當地嘅人氣話題電視劇/電影推介畀大家!有啲目前仲正喺當地播映緊第二季添~加上唔少劇喺YouTube上都可以免費任睇,兼且附上英文字幕,真係唔怕睇唔明!

電視劇:
1. 《The Gifted》(特長生)、《The Gifted: Graduation》(特長生:畢業季)

《The Gifted》
Photo from GMMTV

依套係一套校園科幻懸疑劇,故事圍繞住一間名為 Ritdha 嘅高中內嘅 8 位各有不同異能嘅學生。Ritdha 高中將學生分為普通生和特長生(即天才生),班級分為普通班(按成績分8個班)和天才班。天才班嘅學生喺學校中有住特別嘅優待,比如可以不按時交作業、提前下課……而故事就由學渣 Pang 喺一次分班試中聽咗一段奇怪嘅音頻進入天才班開始,慢慢發現該計劃背後嘅恐怖秘密,並打破折磨咗幾代學生嘅制度!

《The Gifted: Graduation》
Photo from GMMTV

劇中除咗故事細膩,拍攝手法/畫風仲好有電影感添,真係值得一睇!而喺啱啱過咗嘅星期日佢哋仲開播咗第二季《The Gifted: Graduation》,故事承接第一季嘅發展,不過叫得 Graduation 當然喺指 Pang 同一班同學已經嚟到要畢業嘅一年,已成為高三學生嘅佢哋決定發起最後反撲,試圖擊潰以校長為首嘅特長生制度。今次,會有三個新學生加入天才班,而新學術主任老師亦會加入學校,但有人知道佢加入嘅真正企圖。喺今季中,學生與成人之間嘅思想鬥爭再到另一個轉折點,最終嘅戰鬥充滿危險,而且看起來更加複雜。到底一班天才生能否保持自己嘅理想和友誼,喺最終嘅決鬥中得出結果。

2. 《(Still)2gether》(因為我們依然天生一對)

《(Still)2gether》
Photo from GMMTV

依套泰劇《2gether》自開播以嚟一直都引起唔少話題,早前佢哋更食住個勢推出一連 5 集嘅特別篇《(Still)2gether》(因為我們依然天生一對),逢星期五喺 GMMTV 嘅 YouTube 中直播,畀一班 fans 可以繼續睇兩位男主角一齊之後嘅事。

3. 《I'm Tee, Me Too》

《I'm Tee, Me Too》
Photo from GMMTV

而緊接《(Still)2gether》之後播出嘅依套《I'm Tee, Me Too》可以話係唔少泰劇 fans 都會好期待嘅一套電視劇嚟,事關一套劇入面就集齊咗 GMMTV 中 3 大人氣耽美CP(同人配對),兩季《一年生》中嘅主角 KRIST (Prachaya Ruangroj)及 SINGTO(Perawat Sangpotirat)、《深藍之吻》中嘅 TAY (Tawan Vihokratana)及 NEW(Thitipoom Techaapaikhun),以及《愛情理論》中嘅GUN(Atthaphan Phunsawat)及 OFF(Jumpol Adulkittiporn),真係未開播先哄動呀!

Photo from Pinterest

故事講述 6 位分別叫 Wa-Tee、Mai-Tee、Tee-Do、Tee-Det、Tee-Rex 及 Mae-Tee,6 個不同性格嘅大學生喺名同一屋簷下嘅生活喜劇。「6 個 Tee」因為性格迥異,所以起初用咗好長時間磨合,不過經歷咗唔少事情後,佢哋漸漸變得融洽,慢慢變成了「一家人」。

廣告
廣告

4.  《Love By Chance》(不期而愛)

《Love By Chance》
Photo from Pinterest

喺第一季中,該劇講述八位性格迥異嘅男生,他們各懷不同嘅夢想,上演著不一樣嘅人生。佢哋身份背景、性格愛好都不相同,但卻不妨礙佢哋成為各自成長路上嘅小夥伴、好朋友,互相扶持、陪伴自己共同成長。 故事中 Pete 係一個高富帥,係眾多美女傾慕嘅對象,但奈何 Pete 喜歡男生,加上性格內斂,導致唔少同學鍾意欺負佢。當 Pete 被同學欺負時,總有一個叫 Ae 嘅男孩出手相助。Ae 無意之中成為 Pete 嘅 "保鏢"。正所謂日久生情,Pete 暗戀上了 Ae。但 Pete 決定將秘密留喺自己心中,因為 Pete 唔想讓 Ae 因為知道自己喜歡咗佢而厭惡自己。但其實同時 Ae 亦已鍾意咗 Pete。二人經歷諸多波折後,最終互通心意。

《Love By Chance 2》
Photo from Pinterest

而第二季,故事將重啟,不過今次主線就唔喺 Pete 同 Ae 身上,而喺第一季中嘅另一對CP(Tin 及 Can),不過啱啱開播就成功引嚟唔少評論,評論中有好有壞,當中就有睇過小說版嘅粉絲就因為故事內容嘅改動出太大,情節上無法承接第一季,而大感失望,不過第二季都只係啱啱開播,之後唔知會唔會好啲呢?!

5. 《The Stranded》(絕境島)

《The Stranded》
Photo from Netflix

《The Stranded》係 Netflix 嘅第一部自製泰劇,故事圍繞住一間位於泰國南部荒島上嘅私立學校,學校喺一場海嘯中,只剩下參加畢業舞會嘅學生們同一位詭異嘅老師存活,佢哋設法逃出島,及解開島上神秘力量相關謎團嘅故事,屬於典型嘅末世求生類型劇。

電影:
6.《Timeline》(時光情書)

《Timeline》
Photo from cinematerial

依套係一套 2014 年嘅電影嚟,故事敘述一名鄉村少年 Tan ,Tan 被期望成為像他父親那樣嘅人,但實際上,他希望遠離其覺得範圍狹小嘅母親世界。當佢遇到 June,佢嘅夢想就成真喇,June 有住自由精神,知道自己想要點樣嘅生活。June 迅速彌補咗 Tan 所感覺到嘅缺失,並喺過程之中幫助佢修補與母親嘅關係。電影中細膩講出一點,就係提醒人要珍惜眼前,因為你永遠唔知下一刻會發生咩事。

唔知依 6 套電視劇/電影又有冇啱大家心水嘅呢!?

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook