轉個彎就到捷運站!日本三井花園酒店首間海外分店登陸台北 頂樓大浴場賞繁華市景

轉個彎就到捷運站!日本三井花園酒店首間海外分店登陸台北 頂樓大浴場賞繁華市景

旅遊攻略 Hotel酒店推薦
ByCelia on 11 Sep 2020 Digital Editor

台北最近又有新酒店喇!今次依間酒店仲要係日本著名酒店品牌三井花園酒店嘅首間海外分店嚟,酒店「和苑三井花園飯店 台北忠孝」喺正台北市中心,交通十分方便。

Photo from 和苑三井花園飯店 台北忠孝

「和苑三井花園飯店 台北忠孝」選址台北心臟地帶,距離捷運站僅 30 秒,可以話係轉個彎就到!酒店除咗保留日式款待之道外,仲喺首間海外分店特設 3 間以台灣為主題嘅房間添!

酒店設計貫設低調精緻風,一共設有約 300 間客房,15 款不同房型,主要以 1-2 人房為主,另外亦設有少量嘅 3 人房。房間一啲都唔細,每間房最少達21平方米,加上採用落地玻璃設計,畀你無論咩時侯都可以飽覽台北市景。

Photo from 和苑三井花園飯店 台北忠孝

Photo from 和苑三井花園飯店 台北忠孝

Photo from 和苑三井花園飯店 台北忠孝

除咗日本風嘅客房之餘,3間以台灣為主題概念房都好有特式,「好饗甜甜 ~Sweets~」以台灣甜點為靈感,配上糖果色系,啱晒各位女士們入住打卡呀!

好饗甜甜 ~Sweets~
Photo from 和苑三井花園飯店 台北忠孝

「好嚮九份 ~Retro~」就以九份老街嘅古色古香為主題,木雕裝潢好似點到古代一樣。

廣告
廣告

好嚮九份 ~Retro~
Photo from 和苑三井花園飯店 台北忠孝

「好想故鄉 ~Nostalgic~」則以台南古民宅為靈感,畀人一種好似回到家嘅感覺。

好想故鄉 ~Nostalgic~
Photo from 和苑三井花園飯店 台北忠孝

當然仲有一個地方喺大家必定唔可以錯過喇!就係設於酒店頂樓嘅大浴場,一邊浸浴一邊眺望台北白晚不同嘅景色,諗吓都覺得正呀!

Photo from 和苑三井花園飯店 台北忠孝

Photo from 和苑三井花園飯店 台北忠孝

和苑三井花園飯店 台北忠孝
地址:台北市大安區忠孝東路三段30號
房價:約 $885 港元起/晚
交通方法:台北捷運板南線「忠孝新生站」步行30秒

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook