台北南港流行音樂中心　亮燈後十足一粒七彩寶石～最新超夢幻打卡熱點！

台北對香港人嚟講一啲都唔陌生，熟悉程度猶如當地人一樣，而早前台北又有新嘅打卡點可以畀大家再有藉口去台灣影靚相打卡之餘，仲可以吸收音樂交化嘅地方喇！臺北流行音樂中心籌備咗 7 年早前終於正式啟用咗喇～

「臺北流行音樂中心」位於台北市南港區內一個佔地8.92公頃嘅園區之中，規劃出三大場館「表演廳」、「文化館」以及「產業區」，係台北唯一以流行音樂出發嘅多功能複合型園區。

Photo from 臺北流行音樂中心

音樂中心嘅建築靈感取自羅馬 Piazza Navona 廣場，設計師希望以廣場嘅空間打造出可以畀音樂工作者、市民以及觀光客可自在享受音樂與生活嘅空間。

寶石外型嘅「表演廳」係專為流行音樂展演所設計嘅場館，裡面一共 8 層，地面 5 層、地下 3 層，最多可容納 5,000 人入場，係台灣少有嘅中型室內表演場地之一。

Photo from 臺北流行音樂中心

Photo from 臺北流行音樂中心

其以台灣山岳為設計理念嘅外觀十足寶石一樣，象徵著音樂波紋嘅金屬飾板喺晚上不同顏色嘅燈光後就好似一粒七彩嘅巨大寶石，相當壯觀！

Photo from 臺北流行音樂中心

在 Instagram 查看這則貼文

#北部流行音樂中心 #taipeinight

Black Diz（@black.diz）分享的貼文 於 PDT 2020 年 9月 月 5 日 上午 7:20 張貼

而外觀呈立方體嘅「流行音樂文化館」則係全台第一個以流行音樂為主題嘅展覽空間，館內預計將會展示台灣流行音樂歷史以及設置常規展或特展。至於「產業區」則為培育音樂人才嘅重點地方，內部結合音樂表演空間、錄音室、排練室、練團室等，串連整體音樂產業，孕育未來音樂人。

在 Instagram 查看這則貼文

#台北流行音樂中心 #北流 #南港北流 #南港 #昆陽站 #音樂中心

Queenie_214（@q_littlelife）分享的貼文 於 PDT 2020 年 9月 月 5 日 上午 7:31 張貼

依個全新嘅打卡點真係絕對值得大家去影吓靚相，吸收吓音樂文化～

臺北流行音樂中心
地址：台北市南港區市民大道八段99號

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）