郭富城力撐方媛否認太太有參加天王嫂訓練營：希望你哋收手啦！

早前有報導指內地「天王嫂訓練營」，郭富城（城城）太太方媛（Moka）同潘瑋柏妻子曾經加入並成功嫁入天王家。城城現身時公開力撐太太，指係不實報道散播謠言，又話會傷害到方媛。

「天王嫂」方媛（Moka）同郭富城結婚後愛得高調，直到潘瑋柏宣布結婚後，突然爆出內地舉辦「天王嫂訓練營」幫參加者釣金龜。

Photo from 方媛微博

而方媛同潘瑋柏老婆被指曾參加，最後更嫁畀天王，成為「成功例子」。

Photo from 方媛微博

方媛同郭富城結婚後生咗兩個女，夫妻似乎未有受傳聞影響，仍不時晒恩愛，城城更一改低調作風，為方媛慶祝生日。

Photo from 方媛微博

日前城城出席公開活動時就力撐太太方媛，否認太太參加過天王嫂訓練營，指係不實報道，又話網絡太自由，散播謠言嘅人唔洗負責任。

Photo from 郭富城微博

佢表示太太唔係圈中人，只係半個幕前人，報道對佢係一種傷害，作為丈夫一定撐對方。

Photo from 郭富城微博

雖然報道出街後方媛如常喺微博分享近況，看似不受影響，但城城話佢其實好難受：「希望呢啲不負責任嘅人，你哋收手啦！」

Photo from 方媛微博

Photo from 方媛微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）