本地森度遊推薦必去!遊玩度假新體驗~ 背山面海隱世打卡靚景 行山+瑜伽限定活動

本地森度遊推薦必去!遊玩度假新體驗~ 背山面海隱世打卡靚景 行山+瑜伽限定活動

香港好去處 郊遊好去處
ByIsabella on 11 Sep 2020 Editor

相信唔少朋友都鍾意喺放假嗰陣,約埋三五知己一齊出走旅行去探索世界。但其實唔需要出走異地,都可以嚟一趟放鬆充電兼發掘打卡秘境之旅!講緊嘅係位於港島南區嘅海洋公園,只需搭一程車就可以展開獨特嘅「森度遊」旅程。

想知海洋公園背山面海嘅隱世靚景喺邊度,同有咩期間限定生活體驗嘅話,即刻睇埋下文,跟住小編齊齊投入戶外活動嘅新玩法啦~

Photo from 香港海洋公園

~海洋公園森度遊 必試3重遊玩度假新體驗!

海洋公園一向盡享南港島區嘅天然地理環境,背山面海嘅優勢為園區景色增加唔少分數。所以海洋公園最近將會推出多種期間限定生活體驗嘅活動:活動包括喺戶外茶座、水族館等意想不到嘅地點做瑜伽,由室內到戶外都可以逐一享受到唔同嘅樂趣;想發掘打卡秘境嘅話,可以參加南朗山秘道行山團,由專人帶你踏上首次對外開放嘅纜車線山徑,除咗可以欣賞到絕美景色,仲可以喺纜車之下影靚相;如果想嚟一次深度遊嘅話,喺高峰樂園仲可以參加露營度假體驗,最啱同埋好朋友一齊喺星空下輕鬆歎返晚﹗

~必試水族館瑜伽 打卡+減壓全新體驗

健康修身嘅瑜伽係近年嘅運動熱潮,喺海洋公園呢度嘅多個景點亦都化身成獨一無二嘅特色瑜伽場地!想舒服啲去釋放身心壓力嘅話,就要前往「海洋奇觀」參加全港獨有嘅水族館中瑜伽,喺巨型魚缸前慢慢地伸展身體,一呼一吸咁搵返自己嘅節奏、洗滌身心,夠哂減壓之餘,仲可以喺水底世界中打卡留念添!

Photo from HolidaySmart

Photo from HolidaySmart

另外,「嵐灣茶座」都有提供多款Yoga嘅瑜伽體驗,幻想下喺無敵海景前進行連串節奏快嘅優美瑜伽動作,別有一番樂趣~園內都備有更衣室同儲物櫃,方便大家盡享不一樣嘅海洋公園﹗

*每節瑜伽為1小時。

Photo from 香港海洋公園

Photo from 香港海洋公園

~絕美秘道行山團 登山纜車位必打卡

喺園區入面嘅登山纜車相信大家就搭得多,但海洋公園嘅遠足徑又係點嘅呢?最新嘅南朗山秘道行山團就可以俾大家了解下,沿著纜車索道下首次對外開外放嘅公園山徑!喺專業生態導賞員帶領下,一齊登上視野開揚嘅南朗山,絕美嘅港島南岸風景盡收眼底!行程最有趣嘅地方係:導賞員仲會沿路為你介紹山上嘅野生動植物,訴說登山纜車嘅有趣奇聞~睇住沿途嘅登山纜車喺頭頂近距離來回穿梭,畫面真係超震撼呀﹗

Photo from 香港海洋公園

Photo from HolidaySmart

行山團一共分為兩條唔同嘅路線,分別係較具挑戰性嘅上山路線,同略為輕鬆嘅下山路線!建議大家可以按個人體能去選擇,無論上山定係下山都同樣精彩㗎!

*遠足徑全長約1公里,每節導賞團為2小時。
*行山團需年滿6歲或以上方可以參加。

Photo from HolidaySmart

Photo from 香港海洋公園

~漫天星空夜景+震撼日落體驗Glamping

話明Staycation,想短暫離開市區嘅屋企,欣賞最自然嘅美景?被大海環抱嘅露營度假一定係唔錯嘅選擇!海洋公園將會設有私人帳篷露營體驗,唔需要再揹著一袋二袋搵郊外營地,喺園區入面就有舒適嘅私人帳篷,啱哂咁多位露營新手嚟體驗一下~

Photo from 香港海洋公園

帳篷位置坐擁獨有無敵大海景,喺夜晚就可以直接欣賞到漫天星海,夠哂浪漫呀!

#以上活動為收費項目並需預約,有關詳情即上:https://bit.ly/33gY5hk

海洋公園有咁多新玩法,就算唔洗出國都超多嘢玩,想了解更多嘅話,記得要留意海洋公園嘅Facebook專頁啦~

 

Text:HolidaySmart
Photo From:HolidaySmart、Ocean Park
Presented by:Ocean Park

 

Share to Facebook