其實比卡超唔係老鼠！10大卡通角色真身公開！唔好再誤會姆明係河馬！

好多二次元嘅卡通角色都好受歡迎，但佢哋真實品種經常被人誤會，其實比卡超唔係老鼠、姆明唔係河馬、Ryan都唔係熊！盤點10大卡通角色真身，咪再認錯喇！

#1. Kakao Friends Ryan

Ryan啡色身軀同圓耳經常被誤會係一隻熊，其實佢係一隻貨真價實嘅獅子。不過無鬃毛咁解，令佢失去少少霸氣，唔係太認到係獅子。

可左右滑動看圖：

#2. Kakao Friends Muzi

Ryan個好朋友Muzi都經常被誤會係兔仔，其實真身係中意Cosplay兔仔嘅「醃蘿蔔」。

可左右滑動看圖：

#3. Hello Kitty

無嘴嘅Hello Kitty其實唔係貓，可能大家都知道，雖然有「貓鬚」、「貓耳」，但Hello Kitty係一位小女孩。

可左右滑動看圖：

#4. 寵物小精靈 比卡超

童年回憶比卡超原來唔係老鼠/兔仔，設計師西田敦子透露最初比卡超誕生時，身體係一粒大福！不過後面加入少少松鼠嘅特徵，成為今時今日嘅比卡超～

可左右滑動看圖：

#5. 寵物小精靈 小火龍

名都有得你叫「小火龍」，仲唔係龍？進化係噴火龍喎！事實上「小火龍」係一隻蜥蜴，日文名稱「ヒトカゲ」原義就係「火蜥蜴」。

可左右滑動看圖：

#6. 姆明

姆明經常被誤會係一隻白色河馬，但嚟自芬蘭嘅姆明其實係一隻精靈！當中寄托咗作者希望和平嘅心願。

可左右滑動看圖：

#7. LINE Friends 莎莉

莎莉係鴨定雞曾經引起爭論。因為莎莉個嘴生得扁，隻腳又唔似雞腳咁瘦，所以一度被認為係鴨。但向LINE官方永證後證實，莎莉係一隻雞！！！

可左右滑動看圖：

#8. 超音鼠 索尼克

可能因為叫「超音鼠」嘅關係，有人以後Sonic 索尼克係老鼠，其實真正應該係刺蝟。

可左右滑動看圖：

#9. 「POINKO兄」、「POINKO弟」

成日睇meme可能都會見過佢，佢哋真名叫「POINKO兄」同「POINKO弟」，係日本電信公司docomo嘅吉祥物。其實一共有8兄弟，不過其中兩隻出現得最多。留意返佢哋唔係雞嚟，係鸚鵡嚟㗎！鸚鵡兄弟嘅原型係雞尾鸚鵡（玄鳳鸚鵡）。

可左右滑動看圖：

#10. 崖上的波兒 波兒

雖然有手有腳，但波兒係一隻金魚！波兒兩隻眼分到咁開，仲唔係金魚？

可左右滑動看圖：

大家以後唔好認錯喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）