download HolidaySmart 假期日常 app
韓劇《喪屍偵探》開播 崔振赫化身喪屍偵探!咁型嘅喪屍你見過未?

韓劇《喪屍偵探》開播 崔振赫化身喪屍偵探!咁型嘅喪屍你見過未?

生活熱話 電視電影
By Jennifer on 10 Sep 2020
Digital Editor

近期「喪屍」喺韓國成為大熱,好多影視作品都以喪屍為題材,好似《屍殺半島》同《屍戰朝鮮》等,依家又有一套以喪屍為題材嘅韓劇《喪屍偵探》喺9月開播喇!大家有機會欣賞由崔振赫化身成嘅喪屍有幾靚仔~

崔振赫憑大熱韓劇《繼承者們》開始為人熟悉,其後都接拍咗好多劇集,好似《RUGAL》、《皇后的品格》同《隧道》等。今次喺《喪屍偵探》入面飾演復活兩年嘅喪屍——偵探事務所嘅 CEO「金武英」,喺人類社會孤軍作戰去解開自己嘅身世之謎。女主角「孔善智」由朴柱炫出演,係一名時事節目作家出身嘅偵探事務所實習生。呢套劇雖然係喪屍題材,不過都有輕鬆搞笑位,屬驚悚動作喜劇。

崔振赫憑大熱韓劇《繼承者們》開始為人熟悉Photo from real_jinhyuk@IG

崔振赫今次喺《喪屍偵探》入面飾演復活兩年嘅喪屍——偵探事務所嘅 CEO「金武英」Photo from kbs

女主角「孔善智」由朴柱炫出演,係一名時事節目作家出身嘅偵探事務所實習生Photo from kbs

崔振赫身形優越又靚仔,畀人嘅感覺比較高冷,之前演嘅戲大多比較嚴肅。不過今次因為係喜劇,佢喺劇入面展現咗可愛嘅一面,淨係睇預告都已經 feel 到套戲應該幾搞笑~真係好少見到呢一面嘅崔振赫!而佢化咗喪屍妝之後仲多咗一分妖魅~呢隻咁高大靚仔嘅喪屍,大家一定睇到心心眼!

崔振赫身形優越又靚仔,畀人嘅感覺比較高冷,之前演嘅戲大多比較嚴肅Photo from kbsdrama@IG

今次因為係喜劇,崔振赫喺劇入面展現咗可愛嘅一面,淨係睇預告都已經 feel 到套戲應該幾搞笑Photo from KBS 드라마@FACEBOOK

《喪屍偵探》逢星期一、二韓國時間夜晚9點半播放,大家記住留意吓喇~一齊欣賞崔振赫版嘅「型男喪屍」!

real_jinhyuk@IGPhoto from real_jinhyuk@IG

一齊欣賞崔振赫版嘅「型男喪屍」!Photo from real_jinhyuk@IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel