賴慰玲17歲獲演藝學院取錄破例跳級！老師羅冠蘭推薦入行 更得影帝黃秋生賞識

TVB《反黑路人甲》熱播，賴慰玲演出受到好評。原來佢係演藝學院出身，中五已獲取錄破例跳級！其後由老師羅冠蘭推薦入行，入行僅6年多，更獲影帝黃秋生賞識，前途無可限量！

TVB《反黑路人甲》中有多位女角出演，其中「大小姐蔣千霞」一角相當受觀眾喜愛，飾演大小姐嘅賴慰玲演技被睇高一線。

Photo from 賴慰玲IG

賴慰玲現年34歲，育有一子，但近年喺電視圈發展越嚟越好，佢係香港演藝學院出身，更多次獲校內獎學金，非常有潛質。

Photo from 賴慰玲IG

賴慰玲17歲讀中五時報考演藝學院，最後更取錄破例跳級。不過因為想讀大學，賴慰玲reject咗offer。可惜A Level時有一科唔合格，讀唔到心儀學科，賴慰玲決定再報演藝。

Photo from 賴慰玲IG

今次亦成功獲取錄，賴慰玲正式修讀香港演藝學院表演系藝術榮譽學士課程。到2013年，佢喺演藝學院老師羅冠蘭推薦下，參與大台電視劇《女人俱樂部》試鏡，正式加入演藝圈。

Photo from 賴慰玲IG

佢試鏡時一人分飾7角，到2014年，賴慰玲參演《梟雄》時得同劇影帝黃秋生賞識，秋生大讚佢演技不錯，更封佢為「細玲（小鄭裕玲）」。

Photo from 賴慰玲IG

喺老師、前輩睇好下，佢逐漸參演多部電視劇，最近《反黑路人甲》嘅演出更大獲好評！

Photo from 賴慰玲IG

唔少網友都認為佢演技自然出色，同公司女演員中，實力更「超曬班」，希望未來會有更多演出畀佢。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）