【消委會甜味飲品測試】51款樣本約4成甜味飲品含糖量達每日攝取一半 碳酸飲品/能量飲品/果汁/乳酸類飲品統統上榜

【消委會甜味飲品測試】51款樣本約4成甜味飲品含糖量達每日攝取一半 碳酸飲品/能量飲品/果汁/乳酸類飲品統統上榜

時事熱話 生活熱話 健康資訊
ByCelia on 15 Sep 2020 Digital Editor

近年雖然唔少人都注重咗身體嘅健康,不過有時口痕都總會飲吓汽水/果汁之類加咗糖嘅飲品,但唔好以為揀一啲標榜「低糖」或者「少甜」嘅產品就冇問題。其實依啲產品唔少都加入咗甜味劑(代糖、糖替代品),長期飲用有可能會令人愈飲愈甜之餘,仲有可能令你愈減愈肥添!消委會測試咗市面 51 款甜味飲品,其中有 4 成含糖量達每日攝取量一半或以上。

消委會檢測咗市面上 51 款預先包裝飲品,當中 18 款為碳酸飲品(俗稱:汽水)、16 款運動及能量飲品以及 17 款包括果汁、乳酸類、有味瓶裝水等飲品,容量介乎 57 至 550 毫升,售價由 4 元至 25 元不等。

Photo from 消委會

喺全部樣本中,以世衞建議一般成人每日攝入 2,000 千卡能量(即攝取不超過 50 克游離糖)計算,測試中就有20款樣本,約 4 成樣本總糖含量超過 25 克或以上,達世衞建議每日游離糖攝入量上限(50克)嘅一半或以上。

碳酸飲品: 價錢 每支/瓶糖含量(克)
七喜碳酸飲料  $9 42.4
「雪碧」檸檬青檸味汽水  $4.2 26.4
DIABOLO Dragon Fruit Plum Flavoured French Soda  $16 66.2
日本芬達提子汽水  $10 46.5
芬達橙味汽水  $11.9 31.5
「玉泉」+C 有氣檸檬飲品  $8 35
運動及能量飲品: 價錢 每支/瓶糖含量(克)
葡萄適橙味運動飲品  $7.5 25.2
葡萄適檸檬味運動飲品  $7.5 25.2
葡萄適能量飲品蜜桃味  $9 26.4
魔爪碳酸能量飲品  $14.9 40.5
魔爪芒果狂歡碳酸能量飲品  $17 38.3
果汁、乳酸類、有味瓶裝水: 價錢 每支/瓶糖含量(克)
可爾必思乳酸梳打-白桃  $11.9 27.5
可爾必思三種乳酸菌飲品  $11.9 25
可爾必思水語乳酸菌飲料  $9.8 33
可爾必思白桃果汁乳酸飲品  $16.9 25
提子可爾必思 Grape & Calpis  $13.9 34
可爾必思完熟蜜瓜果汁乳酸飲品  $11.9 25
Minute Maid蘋果汁有氣飲品  $12 41.5
Pokka Sapporo粒粒果肉蘋果飲品  $16.9 43.2
Pokka Sapporo粒粒果肉蜜柑汁飲品  $16.9 32.8

綜合以上 3 個表,其中以碳酸飲品 DIABOLO Dragon Fruit Plum Flavoured French Soda 糖分含量最高,飲用1罐更會超出每日建議攝入量32%。

DIABOLO Dragon Fruit Plum Flavoured French Soda 糖分含量最高
Photo from 消委會

廣告
廣告

消委會指,唔少飲品即使加入了甜味劑,仍然含有大量糖分,而甜味劑屬代糖嘅一種,甜度高蔗糖約 100 倍至數百倍,由於沒有熱量,不影響血糖水平,亦唔會被人體消化或吸收,故適合於一些糖尿病患者食用。

但就有研究發現,甜味劑本身其實都隱藏健康風險,過量攝取可降低味蕾敏感度,令人增加想食甜喇嘢嘅欲望,因而喺不經意嘅情況下攝入更多嘅糖,增加患冠心病、中風甚至死亡嘅風險。

Photo from 消委會

消委會提醒,為咗健康飲用甜味飲品都係適可而止,水同茶其實都可以解渴啫~

最後,消委會仲提供咗 3 個注意事項畀大家參考:
。不少注重體態的人士會以甜味劑飲品代替含糖飲品,以為達到減肥效果,但有研究指,甜味劑飲品會令人更嗜甜,追求更甜更濃味道的食物。若要達致瘦身效果,減少糖分吸收外,亦要避免攝取甜味劑;
。運動及能量飲品予人較健康感覺,容易令人以為飲用這些功能性飲品較有益。但是次測試顯示,運動及能量飲品無論是否含天然糖,均加入了甜味劑,消費者若非有大量體力消耗,需要短時間內補充能量及電解質,不宜過量飲用此類飲品,或考慮以清水沖淡分多次飲用;
。大部分功能性飲品含有咖啡因等刺激成分,不宜經常飲用,同時應留意成分標籤,孕婦、心臟病及有「三高」人士需加倍注意。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook