郭富城狂數楊千嬅「好醜樣」、「眼袋好大」！千嬅臉露尷尬無奈

郭富城、楊千嬅、張達明等主演港產片《麥路人》，日前為宣傳新片主演們接受《東張西望》訪問，期間城城指楊千嬅「好醜樣」、「眼袋好大」，千嬅臉露尷尬，似乎大感無奈。

港產片《麥路人》由郭富城、楊千嬅、張達明等主演，楊千嬅飾演過氣駐唱歌手，為演出角色，千嬅更素顏上陣。

Photo from 《麥路人》

主演更接受《東張西望》訪問，宣傳即將上映嘅電影，訪問期間，城城突然爆肚，大讚千嬅素顏演出。

Photo from 《東張西望》

城城指：「銀幕就係要見到你隻眼袋啦！跌到落嚟啱數呀。嘩！見唔見到楊千嬅好醜樣！」佢又模仿觀眾反應：「啲觀眾話『楊千嬅，嘩個眼袋你睇幾大呀！嘩！個眼袋好大呀！你睇下佢，好似無瞓覺個樣，好殘呀！』」

Photo from 《東張西望》

Photo from 《東張西望》

Photo from 《東張西望》

而千嬅聽到城城「力數」顯得有啲尷尬：：「唔係喎！我想同你講喎！我係特登變肥同醜樣喎！」之後又無奈表示：「唔係...你著到好靚....（咁演唔到個角色）」

Photo from 《東張西望》

城城對千嬅憔悴嘅造型表示肯定：「啱啦！就係要呢個狀態！唔要你咁亮麗。」

Photo from 《東張西望》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）