前主播柳俊江驚傳婚變!與太太25歲男友人發生爭執!

前主播柳俊江驚傳婚變!與太太25歲男友人發生爭執!

生活熱話 娛樂新聞
ByJennifer on 18 Sep 2020 Digital Editor

有報道指前TVB主播柳俊江與太太嘅男友人喺觀塘餐廳發生爭執,更爆出柳俊江同太太雷康怡(Florence)正處於分居狀態,兩人結婚10年,育有一對子女,之前不時晒恩愛。

前TVB主播柳俊江今年39歲,同妻子雷康怡(Florence),結婚10年,育有一對子女,柳俊江同太太之前不時喺網上post出合照。

今日有報道指,柳俊江喺9月9日,喺觀塘一間餐廳同一名男子發生爭執,當時柳俊江太太雷康怡(Florence)正同該名男子食飯,柳俊江出現後同男子發生爭執。

柳俊江喺9月9日,喺觀塘一間餐廳同一名男子發生衝突,當時柳俊江太太雷康怡(Florence)正同該名男子食飯

柳俊江同太太大學時期已經拍拖,戀愛7年、結婚10年,一直恩愛,兩人亦不時喺網上分享相片。

柳俊江同太太育有一對子女,2014年出世嘅女兒Bella,同2016年出世嘅仔仔Winston。

報道指兩人現正分居,近日佢哋的確無再喺社交網路分享一家4口嘅幸福相片,最近一張合照已係2月14日情人節嘅相。

廣告
廣告

柳俊江同太太最近一張合照已係2月14日情人節嘅相。

柳俊江於Facebbok回應事件::「有關今日稍早傳媒關於本人的報導,我希望有一點回應及澄清:

上星期三晚發生的衝突,沿於一場誤會,本人深深為自己的行為致歉。並對無辜受牽連的太太,以及其他受牽連人士致歉。柳太是一位好太太、好媽媽,一切問題出於本人的誤解,和毫無理據的衝動,這點必須要澄清。請大家不要作沒有根據的猜測。

對於網絡上其他的流言蜚語,本人不欲作進一步回應。我會一如以往地,全心全意愛我的家人。亦多謝各位朋友的關心,我們會如常生活。」

柳俊江於Facebbok回應事件

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook