尖沙咀新開!5,000呎日式精品超市「谷辰GUU SAN」 3大專區 營養輕食/日本直送新鮮蔬果/生活雜貨

尖沙咀新開!5,000呎日式精品超市「谷辰GUU SAN」 3大專區 營養輕食/日本直送新鮮蔬果/生活雜貨

香港好去處 新店直擊
ByCharlotte on 25 Sep 2020 Editor

香港又多一間日式超市,滿足對日本文化有濃厚興趣嘅港人!新店「谷辰」係一間有成5,000呎嘅日式精品超市,選址尖沙咀中間道嘅新商廈H Zentre地面開幕,喺正尖東地鐵站L1出口對面,店內無論裝修定鮮貨、雜貨,都充滿日本風格㗎~即刻睇吓有咩好買啦!

Photo from GUU SAN

店內設計簡約,以日本自然景物同風貌為靈感,選用和風裝潢,日間時分仲會滲透絲絲自然光線~好似天花板設計就參考日本神社嘅鳥居;超市專區則以和風錦鯉池庭園為設計靈感,加埋全日播放住水彩風動畫同純音樂嘅LED藝術裝置,處處都充滿日式味道,令人好似置身悠閒嘅日本小鎮一樣咁舒服啊!

Photo from GUU SAN

呢度嘅產品非常多元化,由零食蔬菜到生活雜貨都有。店內主要分為3大專區,包括營養輕食專區、品味生活專區同超市專區,迎合唔同需要嘅朋友仔。

#營養輕食專區【米角(KOME KORNER)】

Photo from GUU SAN

營養輕食專區入面嘅米角(KOME KORNER),主打即製手工飯糰同便當,每日都以100%日本米同營養食材製作,啱哂繁忙嘅都市人啊!招牌飯糰包括有竹筍黑胡蔴流心蛋口味、紀州南高梅口味、醬油雲耳菜花口味等,喺坊間都幾少見!新張期內(9月26日至10月25日)所有飯糰買5送1、商品有9折優惠、Follow米角IG仲可以即時免費獲得日本靜岡玄米茶一杯添!

Photo from GUU SAN

#營養輕食專區【THE SALFEE BAR】

除咗即製健康飯糰之外,仲有結合Salad Bar同Coffee Shop嘅THE SALFEE BAR!「SALFEE」讀音「Selfie」,顧名思義由「Sal」ad同Cof「fee」組成,提供多款超有營養沙律、自家烘培咖啡同清新特飲,坐喺店入面一邊感受悠閒氣氛,一邊嘆咖啡,真係夠哂chill!

Photo from GUU SAN

同米角一樣,THE SALFEE BAR喺新張期內(9月26日至10月25日)都有優惠!顧客凡惠顧所有沙律即時免費加大、Follow埋 THE SALFEE BAR IG仲可以用6折購買食品(手沖咖啡和虹吸壺除外)等!

#品味生活專區【沢屋(SAWAYA)】

走塑、裸買嘅趨勢盛行,配合日本精益求精嘅精神同減少包裝嘅理念,品味生活專區入面嘅沢屋,力推少包裝健康食材。顧客可以用店內提供嘅紙袋,按照自己嘅需要決定選購份量,將健康果仁同五穀雜糧帶返屋企!為咗慶祝谷辰開業,沢屋仲推出咗限量「特選和香悅米禮盒」,精選三款頂級日本米,包括埼玉彩之輝米、德島越光米同愛知之香米,鍾意食日本米嘅朋友一定要入手啦~

Photo from GUU SAN

#品味生活專區

除此以外,品味生活專區亦有多款嚟自世界各地,唔同類型嘅優質生活品牌商品,例如SORA Towel多用途瑜伽墊、PLANTATION茶莊手作茶葉、Loving Earth有機朱古力等。呢度仲係寵物主人必到嘅地方,皆因店外露天位置設有pet-friendly座位,店內亦有出售蔬食高蛋白質配方寵物食品品牌WILD EARTH嘅產品添~

#超市專區

超市專區方面,就有多款日本直送新鮮水果及蔬菜、乳類製品、急凍及包裝食品、嬰兒食品及產品、生活雜貨同個人護理用品等,應有盡有,行一轉,就好似去咗一次日本咁啊!追求生活質素,同時又鍾意日式簡約精緻文化嘅朋友仔must go!

#仿效日本神社 - 許願專區

為咗慶祝谷辰新開幕,由9月26日起至10月25日期間,除咗LED神秘 QR code禮遇之外,只要單次消費滿指定金額,就可以獲贈唔同禮品,當中包括HK$30優惠券、谷辰手挽袋、咖啡杯、紀念金幣同許願卡!

許願卡可以做咩呢?日本神社可以話係遊客同當地人都必去嘅地方,而家去到谷辰為開業特別設計嘅許願專區,就可以體驗傳統傳統日式參拜文化──首先可以搖動許願池附近的許願鈴,之後將谷辰紀念金幣拋入池裏,最後喺許願卡上面寫低願望,再掛喺入口兩側嘅許願架上,期望實現心中所願。一次過滿足食、玩、買,即時止一止心思思嘅「遊日癮」!

 

谷辰 GUU SAN
地址:尖沙咀中間道15 號 H Zentre 地下G01-02 舖
營業時間:星期一至日 9am - 9pm

Presented by:谷辰GUU SAN

Share to Facebook