【泰國移民】精英簽證計劃推新措施　投資一年即獲居留及工作特權

泰國係唔少香港人熱愛嘅還旅遊熱門地之一，但除咗旅行之外，近年唔少人都會選擇喺當地買樓投資，甚至會舉家移民當地。而最近泰國精英簽證（Elite Visa）就為咗吸引更多嘅多外國精英移居，推出新措施，促進泰國經濟發展。

泰國為咗吸引更多外國人去泰國投資及移民，日前精英簽證（Elite Card）計劃就推出咗新措施，新措施中申請人只需要喺  1 年內喺泰國投資滿 $100萬美元（約 $780 萬港幣）即可獲得泰國居留及工作特權。

Photo from HolidaySmart

但目前正處於向當地政府商討階段，而泰國旅遊局局長 Yuthasak Supasorn 就表示今次依個新措施計劃，就係希望可以吸引更多外國人去泰國投資，搶救因疫情而受影響嘅經濟，特別係地產業。

Photo from HolidaySmart

咁到底泰國嘅 Elite Visa 喺咩嚟？其實 Elite Visa 係一個由泰國政府主辦嘅國家級俱樂部「Thailand Elite」，以鼓勵各國精英到訪泰國投資，從而促進泰國經濟發展。其中會籍包含「精英簽證 」Thailand Elite Visa（又稱 Privilege Card），係一個最長可為期 20 年嘅長期居留簽證。

Photo from thailandelite

目前 Thailand Elite 一共約有 11,000 名會員，當中分為 9 個等級。最多人擁有嘅就係 5 年居留權嘅 Elite Easy Access，會費為 $50 萬泰銖（即約 $12 萬港幣），而年期最長嘅 Elite Superiority Extension （20年泰國居留權），會費則為 $100 萬泰銖（約 $24 萬港幣），會籍會視乎申請計劃，每 5 年續證。

而除咗簽證外，Thailand Elite 亦可獲提供機場接送服務、豪華轎車接送、英語 24 小時支援服務、身體檢查、SPA 、高爾夫球場使用權等尊貴待遇。

Photo from thailandelite

另外，如果申請泰國永居權必須符合以下兩個資格：

1. 提交申請時，持有非移民簽證達3年或以上
2. 喺泰國投資最少 $2,000 萬泰銖（即約 $500 萬港幣），或是有居留許可嘅泰國居民之親屬

但有一點必須提醒大家，由於泰國唔係傳統移民國，入籍方面，除非係泰國國民嘅子女或配偶，否則一般嚟講，外國人最多都只會取得永久居留權，而唔會可以入籍成為泰國國民。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）