【月餅盒回收2020】全港 4 大月餅罐/金屬月餅盒回收點一覽！為環保出力之餘仲有禮券送添～

話咁快今日就已經係追月，中秋轉眼就過，但食完月餅之後，月餅罐又點處理？其實近年已經有唔環保團體同各大商場合作推出月餅罐回收計劃，而今年雖然因為疫情關係，今年就唔會有月餅回收，但月餅罐/金屬月餅盒嘅回收行動都仲繼續有，而且回收點仲遍佈港九新界添～

1. 太古地產「環保中秋顯愛心」

Photo from 太古坊

任何品牌嘅金屬月餅罐都可以投入回收箱內，回收地點包括太古地產旗下商場：太古廣場、太古城中心、港運大廈 、東薈城等。

日期：即日至 10 月 15 日
回收點：太古地產

另外，太古地產即日與惜食堂（食物回收及援助計劃）合辦「月餅分享行動」。雖然今年新冠肺炎影響，無法進行實體剩餘月餅的收集，但您可以將剩餘的月餅劵直接郵寄至惜食堂辦公室。收集到的月餅會贈予貧困家庭，長者及無家可歸的人。

2. 奇華餅家「月餅罐回收」

Photo from 奇華餅家Facebook

奇華餅家今年再度與信和集團旗下商場合辦月餅罐回收活動，憑任何品牌月餅鐵罐（任個品牌但需清潔乾淨）交到指定信和商場禮賓處或服務台，即可免費獲贈 HK$20 奇華折扣優惠券 1 張， S+ REWARDS 會員將獲得雙倍優惠券。

回收月餅盒所得嘅收益，將會全數撥捐基督教勵行會作慈善用途。仲唔一齊為環保出一分力!

日期：即日至 10 月 9 日
回收點：屯門市廣場／奧海城／荃新天地／中港城／藍灣廣場／帝庭軒購物商場／尖沙咀中心及帝國中心/黃金海岸商場

*優惠券限量共 20,000 張，每人最多只可換領5張（S+ REWARDS 會員最多獲贈10張優惠券），先到先得，換完即止。

3. 房協之友「中秋月餅鐵罐／紙盒回收大行動」

Photo from 房協之友

房協之友鼓勵住戶回收月餅鐵罐/紙盒，亦鼓勵住戶減少中秋節產生大量垃圾，將資源循環再用，減少使用即棄物料，為堆填區減減壓，共同度過一個歡欣的綠色中秋。

日期：2020 年 10 月 5 日起至 10 月 14 日

地點：房協轄下屋邨／屋苑辦事處或會所指定收集點

4. 綠領行動「月餅盒回收大行動 2020」

Photo from 綠領行動Facebook

綠領行動連續第 8 年舉辦回收活動，具體回收點可留意綠領行動Facebook或官網。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）