download HolidaySmart 假期日常 app
唐寧以罕見長髮look現身!造型超清純童顏不老 網民懷念《大唐雙龍傳》仙氣角色

唐寧以罕見長髮look現身!造型超清純童顏不老 網民懷念《大唐雙龍傳》仙氣角色

生活熱話 娛樂新聞
By Jennifer on 29 Sep 2020
Digital Editor

38歲嘅唐寧童星出身,做過唔少角色,外表十年如一日獲封「不老童顏」。佢多數以短髮示人,近日喺Facebook罕有公開自己清純長髮look,令一眾網民非常懷念《大唐雙龍傳》仙氣師妃暄一角。

童星出身嘅唐寧8歲就出道,做過教育電視ETV,又同過周潤發、張國榮合作拍電影。

童星出身嘅唐寧8歲就出道Photo from 唐寧Facebook

唐寧同過周潤發、張國榮合作拍電影。Photo from 唐寧Facebook

之後喺大台亦出演過多套電視劇,包括《天涯俠醫》、《戀愛自由式》、《大唐雙龍傳》等,雖然近年甚少喺電視出現,以往多數又唔係做第一女主角,但仍喺唔少觀眾心中留下深刻印象。

唐寧喺大台亦出演過多套電視劇,包括《天涯俠醫》Photo from 《天涯俠醫》

《戀愛自由式》飾演游穎一角Photo from 《戀愛自由式》

佢10年如一日嘅外貌一直獲封「童顏女神」,早前喺Facebook公開嘅一張相,就有人認為佢老咗好多。

唐寧10年如一日嘅外貌一直獲封「童顏女神」,早前喺Facebook公開嘅一張相,就有人認為佢老咗好多。Photo from 唐寧Facebook

唐寧過往一貫以短髮示人,最近喺Facebook公開咗一張罕有長髮相,造型相當清純。更留言:「喜歡長髮還是短髮的我?!」

唐寧過往一貫以短髮示人,最近喺Facebook公開咗一張罕有長髮相,造型相當清純Photo from 唐寧Facebook

唐寧本人就投短髮,留言區引發激烈討論,長髮、短髮都有人投。但係最多人認同最靚造型係《大唐雙龍傳》時嘅髮型。

唐寧本人就投短髮Photo from 唐寧Facebook

最多人認同唐寧最靚造型係《大唐雙龍傳》時嘅髮型。Photo from 《大唐雙龍傳》

唐寧喺《大唐雙龍傳》中飾演師妃暄,仙氣十足,係好多觀眾心目中嘅「古裝女神」,至今仍令人念念不忘。

唐寧喺《大唐雙龍傳》中飾演師妃暄,仙氣十足,係好多觀眾心目中嘅「古裝女神」Photo from 《大唐雙龍傳》

不過可惜依家嘅唐寧無再出演古裝劇,網民都只可以翻睇《大唐雙龍傳》。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel