金鐘國腹肌當洗衫板！毛巾成功變乾淨 網友鬧爆低級趣味

韓國綜藝《我家的熊孩子》新一集，RM成員HAHA、池石鎮、梁世贊將金鐘國6舊腹肌當洗衫板用，最後成功洗乾淨毛巾。不過節目播出後就畀觀眾狠批低級趣味，令人唔舒服。

韓國綜藝《Running Man》主持金鐘國一向係健身狂人，經常被好友爆料平日唔係喺健身室，就係去緊健身室。

而金鐘國對健身嘅狂熱，甚至寧願單身一世，都唔願意放棄健身。

可左右滑動看圖：

熱愛健身嘅佢當然有超好身材，亦不時喺節目中公開超強背肌、6舊腹肌等。

日前SBS綜藝《我家的熊孩子》中，《Running Man》其他主持HAHA、池石鎮、梁世贊都有出演，佢哋忽發奇想，決定實測可唔可以用腹肌洗衫。

擁有6舊腹肌嘅金鐘國被RM成員當「洗衫板」，將毛巾放喺腹肌上用力搓洗，最後竟然成功將毛巾污漬洗乾淨。

可左右滑動看圖：

連金鐘國媽媽都笑咗，主持表示都好想試下喺鐘國腹肌洗衫嘅手感。

不過韓國網友似乎就唔係好buy，紛紛喺節目留言區抨擊咁樣完全唔好笑。指令人睇得好唔舒服，根本係低級趣味。

亦有人認為《Running Man》4位主持私下感情好好，連金鐘國本人同金鐘國媽媽都覺得無咩所謂，算唔上係爭議。

睇下金鐘國到底有幾重視肌肉：

圖片來源：《我家的熊孩子》、金鐘國IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）