新垣結衣/星野源再度合演話題日劇《逃避雖可恥但有用》　特別版明年1月有得睇！

話題日劇《逃避雖可恥但有用》喺 2016 年播映就造成熱話，人氣襲捲全亞洲，除咗新垣結衣嘅賢妻樣之外，相信大家對片尾嘅「戀舞」都唔陌生！依家劇集終於確定會喺 2021 年 1 月推出特別版啦～

Photo from TBS

宣布呢個好消息嘅就係男女主角星野源同新垣結衣！早前星野源喺綜藝節目出緊外景嗰時，結衣 bb 突然驚喜登場，所以佢哋「兩公婆」就一齊同觀眾講出呢個重磅消息～

Photo from IG @iamgenhoshino

Photo from IG @iamgenhoshino

【 #逃げ恥 スペシャルドラマ放送決定！】
星野源が出演したTBSドラマ『逃げるは恥だが役に立つ』の新春スペシャルドラマが、2021年1月に放送決定！
みくりさんと平匡さんのその後が描かれます！https://t.co/VodNQdMrt5#星野源 pic.twitter.com/U5Jt6of2Cw

— 星野源 Gen Hoshino (@gen_senden) September 25, 2020

特別版片長大約 2 小時，內容主要係以漫畫第 10 集同第 11 集為基礎，啫係關於森山實栗（新垣結衣飾）同津崎平匡（星野源飾）婚後三年嘅生活，相信入面都會有唔少甜死人嘅畫面～

Photo from 《逃避雖可恥但有用》

Photo from 《逃避雖可恥但有用》

特別版繼續由那須田淳製作，而原本嘅劇集班底，例如石田百合子、大谷亮平等都會全數回歸！

Photo from TBS

《逃避雖可恥但有用》改編至海野綱彌嘅同名漫畫，故事係關於森山實栗同津崎平匡因為執行「契約婚姻」而展開同居生活，最後更戲假情真，成為真正夫妻。

Photo from 《逃避雖可恥但有用》

Photo from 《逃避雖可恥但有用》

真係好期待之後嘅劇情發展呀～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）