鄭伊健生日大晒嗌蒙嘉慧做「肥婆」！蒙嘉慧罕有放閃讚老公叻

鄭伊健蒙嘉慧結婚多年一直低調，日前鄭伊健53歲生日，蒙嘉慧罕有放閃，分享夫妻間嘅對話，生日大晒嘅壽星更串老婆Yoyo係「肥婆」，蒙嘉慧無嬲豬仲大讚老公叻。

鄭伊健同蒙嘉慧（Yoyo）於2013年結婚，由拍拖到結婚都非常低調。

10月4號係鄭伊健53歲生日，佢哋兩夫婦撐枱腳食牛腩麵慶祝生日，Yoyo諗緊食唔食埋鮮油奶多，於是問老公意見。

「老公，如果我第時變咗做肥婆呢⋯⋯」，點知未講完，鄭伊健就答：「唔係第時，已經係?」

生日大晒嘅伊健串老婆Yoyo係「肥婆」，對住壽星，Yoyo並無嬲豬，反而話：「你叻??一年入面你係有一日可以咁講嘢?Happy Birthday?」大晒恩愛～

蒙嘉慧罕有放閃，網友佩服伊健嘅勇氣，又指夫妻間互相窒下對方唔怪得佢哋感情好。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）