謝霆鋒叫楊丞琳做「嫂子」被李榮浩糾正！網友大讚李榮浩尊重老婆好男人

楊丞琳同李榮浩結婚後雖然分隔兩地，但不時公開放閃互相傳情，近日李榮浩喺內地綜藝節目中糾正謝霆鋒對楊丞琳嘅稱呼，獲網友大讚尊重老婆，連太太楊丞琳都冧爆回應。

舊年台灣女星楊丞琳同內地音樂才子李榮浩結婚，雖然分隔兩地，但佢哋經常喺網上公開放閃，大派狗糧。

Photo from 李榮浩Facebook

近日李榮浩喺大陸綜藝節目《中國好聲音》做導師，同為節目導師嘅仲有謝霆鋒、李宇春、李健。

李榮浩選擇嘅參賽選手嚴雯君就唱李榮浩太太楊丞琳嘅歌曲《雨愛》迎戰，唱完後一眾導師就講到歌曲。

Photo from 楊丞琳微博

謝霆鋒話歌曲揀得好有意思，另一導師李宇春問係邊個嘅歌，謝霆鋒回：「是嫂子的歌。」

Photo from 《中國好聲音》

Photo from 《中國好聲音》

點知李榮浩本人竟然話：「不是嫂子。」糾正道：「是歌手楊丞琳的歌。」

Photo from 《中國好聲音》

Photo from 《中國好聲音》

佢一臉認真，節目播出後，有網友大讚李榮浩尊重太太，肯定老婆嘅職業，係好男人、好老公。而楊丞琳都冧爆喺微博回應老公：「嫂子也是歌手還是演員之楊丞琳」

Photo from 楊丞琳微博

放閃片段（1:02:04 開始）：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）